कोलोसेपा 1:17 - ॱलोवा

¹⁷ खोङ नी को़पा घीरीने एन्‍ला श्‍युक हो़तालाक धेनी को़पा घीरी, खोङगी नाङ ॱने हो़तालाक।

कोलोसेपा 1:17 Iomraidhean Croise

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 8:58

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, आब्‍राहाम ॱमाके एन्‍लाराङ, ङा हो़क।”

जेपा 17:28

‘घीझ्‍येरी ॱनाना खोङबागी होराङला मीछे पी़ये धाङ ग्‍युक्‍ये धाङ होराङ सु हीन्‍गीनगो झ्‍युङयेगी वाङ ॱनाङालाक।’ देगी कोरला खेराङक्‍याई यीक चोम्‍गीन रीङगागी ॱनेवालाक, ‘होराङक्‍या खोङबागी दुङग्‍यु लाक।’

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 13:8

येशु मास्‍यीका नी, दाङ धाङ धीरीङ धाङ धी़ ग्‍युनगी क्षीदु मीग्‍युरा श्‍युक्‍वालाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:17

ङी खोङबाला ज्‍याली घाङला, ङा खोङबागी श्‍याप डुङदु मी स्‍यीस्‍या च्‍योक्‍रे ग्‍येवी। हीना खोङबागी राङगी क्षाक ॱये, ङी खाला श्‍या जेदी सुवालाक, “ख्‍यो़ माजीक। ङा नी थोक्‍मा धाङ थामागो हीन।

ॱङो़न्‍पा 1:8

“ङा नी, आल्‍फा धाङ ओमेगागो हीन।” सुरी, चोवो को़न्‍क्षोक सुङालाक। खोङबा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन, ॱलानामेपे को़न्‍क्षोक लाक।

ॱङो़न्‍पा 2:8

“धेनी सीमीरनागी क्षो़छोकगी भाङछेनला देरे ढीक, “एम्‍मा ढोङा जेदी याङ कुसो़न्‍पो श्‍याङा जेजा, खोङबा थोक्‍मा धाङ थामा हीन्‍गीनगी़, दे काक्‍या सुङी।