कोलोसेपा 1:10 - ॱलोवा

¹⁰ धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:10 Iomraidhean Croise

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 4:12

धेनी याङ आब्‍राहाम पाउ चेचाक्‍यागीयाः याप लाक हीना खुङक्‍याई धेपागो, होरी याप आब्‍राहामगी पाउ ॱमाचे एन्‍ला, हो़गीन धेपा च्‍योक्‍रे हुङघोवालाक।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

२ कोरीन्‍थुपा 5:9

होझ्‍येरी हेक्‍या ली़ला हो़ना याङना खा ढाना, खोङबाला थुक घेरु च्‍युक्‍येगोराङ हीकी ॱमीक्‍यु लाक।

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

एफीसुपा 5:10

धेनी चोवोगी थुक गेगीनगी दो़नगोक्‍या स्‍येलाझ्‍यी।

एफीसुपा 5:15

होझ्‍येरी खेक्‍या मीछे घारे क्‍यागीनला शाप-शाप झ्‍यी, ॱलेन्‍दाक्‍या च्‍योक्‍रे मेन्‍दा खेवाक्‍या च्‍योक्‍रे,

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।

कोलोसेपा 2:6

होझ्‍येरी खीकी मास्‍यीका येशुला चोवो ॱनेरी, खेलेन झ्‍येजा च्‍योक्‍रे, धा मास्‍यीकागी नाङ मीछे पी़।

कोलोसेपा 3:20

धेनी खे टुवाक्‍याओ, घीरीगी थोक्‍ने राङगी फामाक्‍याई खाला ङेन। घीझ्‍येरी ॱनाना देरे झ्‍यीना चोवोला थुक्‍ङेउ झ्‍युङालाक।

कोलोसेपा 4:5

घुकाप घी थोप्‍ना भेचो़ शाङपो झ्‍येरी, मास्‍यीकावा मेन्‍गीनक्‍यामुला च्‍याङजे झ्‍येरी च्‍यो़पा झ्‍यी।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

२ तीमोथेउ 2:4

ॱमाक्‍मी च्‍यीकगी ॱमीक्‍यु राङगी पो़न्‍पोला च्‍यीगा घारु च्‍युक्‍ये हुङालाक, होझ्‍येरी खो ङीन्‍रेगी लेगाक्‍याला ॱमेथेलालाक।

तीतोस 3:1

पो़न्‍पोक्‍या धाङ आङजा हो़गीन मीक्‍याई होकला धो़क। काला ङेन धेनी ले शाङपो झ्‍यीयेला नाम्‍हीना झ्‍यी छोक-छोक झ्‍येरी धो़क, ॱनेरी खुङक्‍याला ढेन्‍सो़ ॱलोङ।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

ईब्‍रीपा 11:5

धेपागी गोने हेनोक छीवा माङ्यावा, नाम्‍खे श्‍यीङखामला ठीक्‍पालाक। धेनी खो घारुवा ॱमाङेपालाक घीझ्‍येरी ॱनाना को़न्‍क्षोकगी खोला ठीया जेपालाक। खो याला ठीक्‍ये एन्‍ला, को़न्‍क्षोकला थुक घेरु च्‍युक्‍कीन मी च्‍यीक हो़तालाक।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

२ पेटो 1:8

घीझ्‍येरी ॱनाना दो़न देक्‍या खीकी नाङ हो़ना धेनी फेरी डोना, खेक्‍या होरी चोवो येशु मास्‍यीकागी स्‍येयो़नला फेन मेगीन धाङ ढेबु मेगीन झ्‍युङयेने, देक्‍याई क्‍योप्‍कीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

३ योहान्‍ना 1:6

खुङक्‍याई ख्‍यी़ झाम्‍पागी कोरला, क्षो़छोकदु पाङपो झ्‍येजुङ। को़न्‍क्षोकला थुक्‍ङेउ हुङगीन चो़लामला, खुङक्‍याई डु ग्‍याप्‍येगी क्षीदु ख्‍यी़ खुङक्‍याला च्‍योई रोवा झ्‍यीरोझ्‍यी।