जेपा 9:31 - ॱलोवा

³¹ दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

जेपा 9:31 Iomraidhean Croise

जेपा 12:24

हीना को़न्‍क्षोकगी का ख्‍याप्‍ती सोरी धेपा-झ्‍यीगीनक्‍या माङदु-माङदु फेरी सोवालाक।

जेपा 16:5

देरे झ्‍येरी क्षो़छोकगी मीक्‍याई धेपा स्‍युक्‍क्षेरु सोवालाक धेनी ङीमा तेनग्‍याङ धेपा-झ्‍यीगीन मीक्‍या माङदु सोवालाक।

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

जेपा 5:11

धेनी क्षो़छोकगी मी घीरी धाङ दे लाब ॱहाघोरकीन घीरीला ॱमीच्‍यीकी जीक्‍टा झ्‍युवालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

१ कोरीन्‍थुपा 14:12

देरेराङ झ्‍येरी खेक्‍या धाम्‍पे थुक्‍ङीगी ॱनाङज्‍यीनक्‍या थोप्‍येगी क्षीदु दो़पा क्षे झ्‍युङगीन झ्‍येरी, खेक्‍याः क्षो़छोक यारके ताङयेगी ॱनाङज्‍यीनक्‍या चायेला ची़न्‍डी़ झ्‍यी।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

२ कोरीन्‍थुपा 10:8

घीझ्‍येरी ॱनाना खेक्‍याला ॱनो़ क्‍याये मेन्‍दा, हीना खेक्‍याला यारके ताङयेला चोवोगी हेक्‍याला ॱनाङना आङजागोला, ङी ङोम्‍सो आरुङ माङा झ्‍येहो़ना, ङा देला ङोछाये मेन।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

२ कोरीन्‍थुपा 13:10

चोवोगी ङाला ॱनाङना आङजा दे, ङा खीकीचारु हुङाराङ चुक्‍वा झ्‍येरी भेचो़ झ्‍यी मेघोयेगी क्षीला, ङा खेक्‍या घुङदु मेताराङ, दे लाबक्‍या ढीयाहीन। आङ दे नी खेक्‍याला तोरयेला मेन्‍दा, खेक्‍याला यारके ताङयेगी क्षीदु ङाला ॱनावालाक।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

एफीसुपा 5:21

धेनी मास्‍यीकाला ॱङीङकुर फी़येला फेन्‍छुन खाला ङेन।

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

१ थेसालोनीकेपा 5:11

होझ्‍येरी खेक्‍याई धान्‍दा थुक्‍पे झ्‍यीगीन च्‍योक्‍रे, पी़न च्‍यीकगी च्‍यीकला सेम्‍सो पोर धेनी धेपाला स्‍युक क्षेरु डोयेला रोवा झ्‍यी।

१ तीमोथेउ 1:4

धेनी खुङलुङ मेगीन तामक्‍या धाङ जोक्‍ये मेगीन रीग्‍युक्‍याई स्‍याम्‍ला, खुङक्‍याला डारु ॱमाच्‍युक। देरेक्‍याई धेपाने रालुगीन, को़न्‍क्षोकगी क्षाक्‍लेक्‍या डुप्‍तु ॱमीच्‍युक्‍वालाक।

ईब्‍रीपा 4:9

होझ्‍येरी को़न्‍क्षोकगी मीक्‍याई दो़नला ङासुगीन ङीमा च्‍यीक श्‍याक हो़तालाक।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।