जेपा 9:29 - ॱलोवा

²⁹ धेनी खो च्‍योई गीरीक याहुदापाक्‍यामुला लाब तारी थाप्‍पालाक हीना खुङक्‍या खोला सेयेला थापस्‍यी झ्‍येवालाक।

जेपा 9:29 Iomraidhean Croise

जेपा 11:20

घीहीन्‍ना साईपुरुस धाङ कुरेनेने आन्‍तीयोकदु ॱलेप्‍ला धेपा-झ्‍यीगीन रीङगाक्‍याई, चोवो येशु कोरला याहुदापा मेन्‍गीनक्‍याला का स्‍येपालाक।

जेपा 17:17

होझ्‍येरी खो याहुदापाक्‍या धाङ को़न्‍क्षोकला चीगीन, गीरीक मीक्‍यामुला छोक्‍खाङदु सोरी चो़लीङ झ्‍यीदालाक धेनी ठोमला ग्‍युक्‍कीन मीक्‍यामुलाः च्‍योई येशुगी कोरला चो़लीङ झ्‍यीदालाक।

जेपा 18:19

धेनी एफीसुरु ॱलेप्‍ती पीरीस्‍कीला धाङ आकुला होदुरुराङ धेपालाक। पाउलुगो एफीसुगी छोक्‍खाङदु सोरी, याहुदापाक्‍यामुला चो़लीङ झ्‍येवालाक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 22:18

थोङनाङला चोवो येशु ज्‍याजुङ धेनी ङाला सुजुङ, ‘ग्‍योक्‍जे येरुसालेम भोरती सोङ घीझ्‍येरी ॱनाना ङी कोरला स्‍येगीन, ख्‍यी़ पाङपोक्‍याला दे मीक्‍याई खेलेन्‍गीमालाक।’

जेपा 6:1

धा होदे ङीमाक्‍याला, येशुला धेपा-झ्‍यीगीन मी माङदु-माङदु सोवालाक। हीना होदे घाङलाराङ गीरीक केक ग्‍याप्‍कीन, याहुदापाक्‍याई ईब्‍रीपा केक ग्‍याप्‍कीन याहुदापाक्‍याला ॱङ्योक्‍टा स्‍येबालाक घीझ्‍येरी ॱनाना खुङक्‍याई युक्‍जामाक्‍याला, ङीन्‍रेगी शामागी कादागो घामोमा माराक हो़तालाक।

जेपा 9:27

हीना बारनाबागी खोला कुछापक्‍याई दोङदु ठीक्‍ती होरी, दामासेकोगी लाम्‍गाला खी़ घाङ झ्‍येरी चोवोला ज्‍यारी, चोवोगी खोला का ॱनाङना धाङ दामासेकोरु येशुगी छेनने ॱमीच्‍यी ॱङीङक्षे झ्‍येरी, खी़ स्‍येगीनगो खुङक्‍याला स्‍येपालाक।

जेपा 9:28

होझ्‍येरी साउल खुङक्‍यामुला धेपालाक धेनी येरुसालेमगी साजा घीरीदु मीक्‍या घीरीला, येशुगी छेनला माजीक्‍पा का स्‍येपालाक।

२ कोरीन्‍थुपा 11:26

थेङ माङा डु ग्‍याई घाङला, ङाला चाङबुक्‍याई ङेन्‍का धाङ ज्‍याक्‍पाक्‍याई ङेन्‍का धाङ ङारी याहुदापा मीक्‍या धाङ याहुदापा मेन्‍गीन मीक्‍याई ङेन्‍का धाङ ढोङखेरक्‍याई ङेन्‍का धाङ रीतोङक्‍याई ङेन्‍का धाङ ग्‍याछोगी ङेन्‍का धाङ पी़न शोक्‍पोक्‍याई ङेन्‍काक्‍या ठेजुङ।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

युदा 1:9

हीना नाम्‍खे भाङछेन चो मीकाएलगी मोशेगी फुङबुगी कोरला, धी़कमुला चो़लीङ झ्‍यीदी घाङला, खोला कुरवा धेप्‍ती क्‍यो़न्‍जुक कायेगी ॱलोगोक माझ्‍येवा हीना “चोवोगी ख्‍यो़ला काको़न जेदास्‍योक” ॱनेरी सुवालाक।