जेपा 9:19 - ॱलोवा

¹⁹ धेनी स्‍याम्‍ला खी़ शामा शेरी, धाब्‍ले तोप जोरपालाक। साउल श्‍याक्‍मो तीते धेपा-झ्‍यीगीनक्‍यामुला दामासेकोरु धेपालाक।

जेपा 9:19 Iomraidhean Croise

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 26:20

होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 9:18

धेनी लाम्‍साङ साउलगी ॱमीकने, ङ्यासाक च्‍योक्‍रे च्‍यीक ल्‍हीम्‍बालाक। धा खी़ थोवालाक। धेनी खो लारी ठी़सो़ लेन्‍बालाक।

जेपा 9:26

साउल येरुसालेमदु ॱलेप्‍ती, ङेनेक्‍याला थुक्‍ये थापस्‍यी झ्‍येवालाक। हीना खोवाः ङेने झ्‍युदुक ॱनेरी बा माधेवा, खुङक्‍या घीरी खोला जीक्‍पालाक।

जेपा 9:38

योफा लुडा ग्‍याजाने ङ्येमोमा हो़तालाक। धेनी योफारु हो़गीन धेपा झ्‍यीगीनक्‍याई पेटो लुडारु दुक ॱनेरी घोरती, मी ॱङी झारी लो़न दे कुरपालाक, “हो़च्‍चो़-हो़च्‍चो़, मागोरा हीकी चारु लाम्‍साङ फेप्‍रोझ्‍यी।”

गालातीयापा 1:17

धेनी ङी एन्‍ला हो़गीन कुछापक्‍या चारु, येरुसालेमदु ङा ॱमासो हीना ङा लाम्‍साङ आराब युला सोवी धेनी स्‍याम्‍ला दामासेको ग्‍याजारु लोक्‍ती होवी।