जेपा 9:17 - ॱलोवा

¹⁷ धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”

जेपा 9:17 Iomraidhean Croise

मेथा 19:13

धा येशुगी क्षाक जेदी ॱमो़लाम जेदास्‍योक ॱनेरी, मीक्‍याई टुवाक्‍या खोङबागी दोङदु ठीक्‍ती होवालाक। हीना ङेनेक्‍याई मीक्‍याला आङजी तारी काक्‍पालाक।

मारकु 5:23

धेनी ॱङीङ थाक्‍पाने श्‍योवा पुरी ॱनेवालाक, “ङी भोमो च्‍युङागो स्‍यीगु झ्‍यीदी। खोङबा फेप्‍ती, मो ढाक्‍ये धाङ सो़न्‍पो धेयेला, खोङबागी क्षाक मी़ खाला श्‍याजे।”

मारकु 6:5

येशुगी नेपा तीते च्‍यीकला क्षाक श्‍याक्‍ती, चो़गा जेपालाक। होदे माना खोङबागी श्‍येम्‍मा ॱहालेगीन क्षाक्‍ले जे ॱमाथुक्‍पालाक।

लुका 1:41

धेनी मीरीयामगी केक घोरती, एलीसाबेतगी फोवा नाङगी टुगो घु-घु झ्‍येवालाक धेनी एलीसाबेत धाम्‍पे थुक्‍ङीगी खारी

लुका 1:67

टु आकी जेकारीयास धाम्‍पे थुक्‍ङीगी खारी ॱङो़नस्‍ये स्‍येपालाक,

लुका 1:76

“धेनी ङी भु ख्‍यो़ ॱलानामेपे को़न्‍क्षोकगी ॱङो़नस्‍येखेन ॱनेरी भो़गीलाक, घीझ्‍येरी ॱनाना ख्‍यो़ चोवोगी फेप लाम डाढीक झ्‍यीये, धाङ खोङबागी मीक्‍याला खुङक्‍याई धीक्‍पा सेल्‍दी, होदे थोक्‍ने थारपागी स्‍येराप ॱनाङयेला, ख्‍यो़ चोवो फेप्‍ये एन्‍ला डुगीलाक।

लुका 15:30

हीना खेराङगी ग्‍यु घीरी श्‍याङचोङमाक्‍यामुला ॱयागीन, भीजा दे लोक्‍ती हुङी घाङला, खेराङगी सो़री श्‍याकश्‍या ओत्‍तो ग्‍यायोकगो खी़ क्षीला सेजुङ।’

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 13:3

होझ्‍येरी खुङक्‍याई ॱङ्युङने धाङ ॱमो़लामगो डुप्‍सारती, खुङ ॱङीउ खाला लाक्‍पा श्‍याक्‍ती वाङ ॱनावालाक धेनी खुङक्‍याला झावालाक।

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

जेपा 19:6

धेनी पाउलुगी खोरी लाक्‍पा खुङक्‍या खाला श्‍याक्‍पालाक धेनी धाम्‍पे थुक्‍ङी खुङक्‍या खाला फेप्‍पालाक। धेनी खुङक्‍याई ॱमेस्‍येगीन केक्‍या ग्‍याप धेनी ॱङो़नस्‍ये स्‍ये झ्‍येवालाक।

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 26:15

‘चोवो खेराङ सु हीनो?’ ॱनेरी ङी ढीवी। धेनी चोवोगी सुजुङ, ‘ङा ख्‍यी़ दुक्‍पु ताङगीन येशु हीन।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 6:6

धेनी खुङक्‍याई होदे मीक्‍याला, कुछापक्‍याई दोङला खेरती होवालाक। धेनी कुछापक्‍याई खुङक्‍याला ॱमो़लाम ग्‍याप्‍ती, राङगी लाक्‍पा खुङक्‍या खाला श्‍याक्‍पालाक।

जेपा 8:17

धेनी पेटो धाङ योहान्‍नागी खुङक्‍या खाला लाक्‍पा श्‍याक्‍पालाक धेनी खुङक्‍याला धाम्‍पे थुक्‍ङी थोप्‍पालाक।

जेपा 9:18

धेनी लाम्‍साङ साउलगी ॱमीकने, ङ्यासाक च्‍योक्‍रे च्‍यीक ल्‍हीम्‍बालाक। धा खी़ थोवालाक। धेनी खो लारी ठी़सो़ लेन्‍बालाक।

रोमापा 15:7

होझ्‍येरी को़न्‍क्षोकगी शीजेगी क्षीदु मास्‍यीकागी खेक्‍याला खेलेन जेजा च्‍योक्‍रे, खेक्‍यागीयाः च्‍यीकगी च्‍यीकला खेलेन झ्‍यी।

१ कोरीन्‍थुपा 15:47

धाङपो मीगो थालागी को़का साश्‍यीने लाक। धेनी ॱङीवागो नाम्‍खे श्‍यीङखामने लाक।

१ कोरीन्‍थुपा 15:8

धेनी घीरीने स्‍याम्‍योकगोला, धी़ मारीङबाला केक्‍या मीचारु च्‍योक्‍रे, खोङबा ङी चारुवाः ॱङो़न जेपालाक।

१ कोरीन्‍थुपा 9:1

ङाला राङवाङ मेताले? ङा कुछाप च्‍यीक माले? ङी होरी चोवो येशुला ज्‍या माङ्युवाले? चोवोगी नाङ ङी लेगागी ढेबुगो, खेक्‍या माले?

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

१ तीमोथेउ 5:22

क्षो़छोकगी गोठी को़येला छाटाक माझ्‍यी धेनी श्‍येम्‍मागी धीक्‍पाला माडे। राङ चाङमा धो़क।

२ तीमोथेउ 1:6

होझ्‍येरी ङी ख्‍यी़ खाला लाक्‍पा श्‍याक्‍ती, को़न्‍क्षोकने ख्‍यो़ला थोप्‍था ॱनाङज्‍यीनगी मे दे सो़री श्‍याक्‍येला, ङा ख्‍यो़ला ढेन्‍सो़ ॱलाङाहीन।

फीलेमोन 1:16

धा देने ॱहाला खो ढेन्‍योक मेन्‍दा, हीना ढेन्‍योकले ल्‍हाक चेवे पी़न च्‍योक्‍रे लाक। ॱमीक्‍सेदु ङी क्षीदु हीना ख्‍यी़ क्षीदु खो देने ल्‍हाक ढेन्‍योक धाङ चोवोगी नाङ चेवे पी़न लाक।

ईब्‍रीपा 6:2

धेनी ठी़सो़ धाङ लाक्‍पा श्‍याक्‍ये धाङ छीवाने ॱलार सो़न्‍ये धाङ थामेपे ठीम्‍चो़क्‍याई कोरला, ॱलापच्‍याक्‍या धाब्‍ले ॱलाप घोये मेतालाक।

२ पेटो 3:15

होरी चोवोगी शो़गोम नी, थारपा हीन्‍गीनगो ची ग्‍योप। धेनी होरी चेवे पी़न पाउलुगीयाः, को़न्‍क्षोकगी खोला ॱनाङना स्‍येरापगी गोने खेक्‍याला ढीक हो़तालाक।