जेपा 9:16 - ॱलोवा

¹⁶ धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

जेपा 9:16 Iomraidhean Croise

मेथा 24:9

“धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

मेथा 5:11

“ङी दो़न्‍दु खेक्‍याला मीक्‍याई ॱमेबेप ताङये धाङ दुक्‍पु ताङये धाङ ख्‍यी़ कोरला शोक स्‍येदी छीक ङेन्‍पा ॱनाछोकक्‍या ॱनी घाङला, खेक्‍या घीन्‍गी झ्‍यीलाप क्षे।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 21:11

खी़ पाउलुगी केराक खेरती, खोरी लाक्‍पा धाङ काङबाक्‍या धाम्‍दी ॱनेवालाक, “धाम्‍पे थुक्‍ङीगी देरे सुङी, येरुसालेमला डोना याहुदापाक्‍याई दे काउगी दाक्‍पोला देरे झ्‍येरीराङ धाम्‍गीलाक धेनी याहुदापा मेन्‍गीन मीरीकगी लाक्‍पाला ची ग्‍याप्‍कीलाक।”

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

जेपा 21:4

धेनी होदुरु हो़गीन धेपा-झ्‍यीगीनक्‍याला हेक्‍या थुक्‍तु सोरी, खुङक्‍यामुला धी़न्‍डा च्‍यीक धेबी। धेनी धाम्‍पे थुक्‍ङीने ॱङो़न खेन्‍दी, होदेक्‍याई पाउलुला येरुसालेमदु माडो ॱनेरी श्‍योवा पुवालाक।

जेपा 9:14

धेनी खो क्षो़पो़न क्षेक्‍याई आङजाने, खेराङगी छेन भो़गीन घीरीला शीम्‍दु दुरु होदुक।”

जेपा 9:6

हीना ख्‍यो़ लोङ धेनी ग्‍याजारु सोङ। होदुरु ख्‍यी़ झ्‍यीघोगीनगो, ख्‍यो़ला ॱनागुलाक।”

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

१ थेसालोनीकेपा 3:3

दुङा देगी खेक्‍याई धेपा ङ्याम्‍दु ॱमाच्‍युक्‍वास्‍योक। दुक्‍पु ङ्याङ घोगीलाक ॱनेरी, खेक्‍याला स्‍येये हो़तालाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।