जेपा 9:15 - ॱलोवा

¹⁵ धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

जेपा 9:15 Iomraidhean Croise

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

जेपा 13:2

खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 21:19

धेनी पाउलुगी खुङक्‍याला घासु श्‍युरी, खुङक्‍याला याहुदापा मेन्‍गीन मीरीकक्‍याई घुङदु ताम्‍शाङ स्‍येली घाङला, को़न्‍क्षोकगी जेजा लेगाक्‍याई कोरला घीरी स्‍येबालाक।

जेपा 22:14

धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 25:22

दे लाब ॱहाघोरती आगारीपागी फेस्‍तुला ॱनेवालाक, “ङा ङाराङ होदे मीगी लाब ङेन्‍ङी दो़दीक।” फेस्‍तुगी ॱनेवालाक, “ॱङेटो खोङबाराङगी ङेन्‍ये राक्‍कीलाक।”

जेपा 26:1

होदे स्‍याम्‍ने आगारीपागी पाउलुला ॱनेवालाक, “धा ख्‍यो़ ख्‍यो़री क्षीला लाब तोङ।” धेनी पाउलु खोरी लाक्‍पा क्‍याङदी देरे झ्‍येरी ॱनेवालाक,

जेपा 26:32

धेनी आगारीपागी फेस्‍तुला ॱनेवालाक, “दे मी देगी रोमापा ग्‍यावुचारु ठीम माश्‍यु हो़ना, खोला फीला तो़न्‍ना ढीक्‍ये हो़तालाक।”

जेपा 27:24

ङाला सुजुङ, ‘पाउलु माजीक। ख्‍यो़ रोमापा ग्‍यावुगी दोङदु ठीम श्‍युरु च्‍यार राङ घोगीलाक धेनी को़न्‍क्षोकगी थुक्‍जे ख्‍यो़मुला झ्‍येरी, ख्‍यो़मुला हो़गीन घीरी थारकीलाक।’

जेपा 28:17

श्‍याक्‍मो सुमगी स्‍याम्‍ला पाउलुगी याहुदापा गोठीक्‍याला भो़री, जोम्‍दु च्‍युक्‍पालाक। धेनी खी़ खुङक्‍याला ॱनेवालाक, “पी़नक्‍याओ, ङी होरी मीक्‍या धाङ होरी धाङबी फामे लुक्‍सो़ला ग्‍याप ॱलोक्‍ये लेगा घीन्‍दा माझ्‍येवालाः, ङाला येरुसालेमगी चो़न्‍खाङदु धाक्‍ती धेनी रोमापाक्‍याई लाक्‍पाला ची ग्‍याप्‍सुङ।

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 11:13

धा ङा खे याहुदापा मेन्‍गीनक्‍याला देक्‍या ॱनाहीन। याहुदापा मेन्‍गीनक्‍याई क्षीदु ङा कुछाप च्‍यीक झ्‍येरी, ङा ङारी श्‍याप्‍चीला थोङक्षे चीलीहो़क।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 9:16

होझ्‍येरी ङी ताम्‍शाङ स्‍येना, ङाला ङोम्‍सो झ्‍यीयेगी दो़न घीया मेक घीझ्‍येरी ॱनाना ताम्‍शाङ स्‍येये माना, ङाला थापस्‍यी श्‍येम्‍मा मेक। ङी ताम्‍शाङ ॱमेस्‍येना ङाला क्षेपा फोक्‍वास्‍योक।

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:11

दे ताम्‍शाङगी क्षीलाराङ ङा क्षो़ सेटाक झ्‍यीगीन, धाङ कुछाप धाङ ॱलोपो़न च्‍यीक को़वाहीन।

२ तीमोथेउ 2:4

ॱमाक्‍मी च्‍यीकगी ॱमीक्‍यु राङगी पो़न्‍पोला च्‍यीगा घारु च्‍युक्‍ये हुङालाक, होझ्‍येरी खो ङीन्‍रेगी लेगाक्‍याला ॱमेथेलालाक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”