जेपा 8:4 - ॱलोवा

⁴ धा डाम्‍दी सोसा धेपा-झ्‍यीगीन घीरीगी राङ घारु डोसादु, ताम्‍शाङ स्‍येदी-स्‍येदी सोवालाक।

जेपा 8:4 Iomraidhean Croise

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

लुका 1:2

दे लेगा घीरी गोमाने थोथा, मीक्‍या धाङ कागी श्‍याप्‍तोक्‍पा हीन्‍गीन, मीक्‍याने हीकी ॱहाघोगीन च्‍योक्‍रे होदेक्‍याई ढीक्‍दुक।

जेपा 11:19

सेतेफेन सेदी धेपा-झ्‍यीगीनक्‍याला दुक्‍पु ङ्याङी घाङला, खुङक्‍या फोनीके धाङ साईपुरुस धाङ सीरीयागी आन्‍तीयोकगी ग्‍याजाक्‍याला ढु ग्‍याप्‍ती ढाम्‍बालाक। खुङक्‍याई याहुदापाक्‍याला च्‍यीगा को़न्‍क्षोकगी का स्‍येपालाक।

जेपा 15:35

पाउलु धाङ बारनाबा धी़चो़ घाजीङ आन्‍तीयोकदु धेपालाक धेनी श्‍येम्‍मा मी माङामुला छाम्‍दी चोवोगी ॱलापच्‍या तेरती ताम्‍शाङ स्‍येपालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

जेपा 8:12

हीना फीलीपगी को़न्‍क्षोकगी ग्‍याखाप धाङ येशु मास्‍यीकागी छेनगी कोरला स्‍येगीन, ताम्‍शाङगोला मीक्‍याई धेपा झ्‍येवालाक धेनी केवे-फो धाङ मो घीरीगी ठी़सो़ लेन्‍बालाक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।