जेपा 8:37 - ॱलोवा

³⁷ [धेनी फीलीपगी ॱनेवालाक, “ख्‍यी़ सेम नाङने धेपा झ्‍यीना ठी़सो़ लेन्‍ना ढीक्‍कीलाक।” होदे मी दी लेन ग्‍याप्‍पालाक, “येशु मास्‍यीका को़न्‍क्षोकगी से हीन ॱनेरी, ङा धेपा झ्‍यीदाहीन।”]

जेपा 8:37 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

योहान्‍ना 11:27

मी़ खोङबाला श्‍यी़वालाक, “ला चोवो, खेराङ नी को़न्‍क्षोकगी से जीक्‍तेनदु फेप्‍कीन मास्‍यीकागो लाक ॱनेरी, ङा धेपा झ्‍यीदीहो़क।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 6:68

सीमोन पेटोगी खोङबाला श्‍यी़वालाक, “चोवो, खेराङला थामेपे छेसोकगी कागो हो़तालाक, हेक्‍या सी़ डुङदु डोये?

योहान्‍ना 9:35

याहुदापा पो़न्‍पोक्‍याई होदे मी श्‍यारागोला तो़न्‍दी झादुक ॱनेरी, येशुगी सेन्‍दा जेपालाक धेनी खोङबागी खोला चारी धेनी ॱङेदी सुवालाक, “ख्‍यो़ मी-भुला धेपा झ्‍यीदी हो़ते?”

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 8:12

हीना फीलीपगी को़न्‍क्षोकगी ग्‍याखाप धाङ येशु मास्‍यीकागी छेनगी कोरला स्‍येगीन, ताम्‍शाङगोला मीक्‍याई धेपा झ्‍येवालाक धेनी केवे-फो धाङ मो घीरीगी ठी़सो़ लेन्‍बालाक।

जेपा 8:21

हीकी लेगाला ख्‍यो़ला थोप्‍ताङ घीन्‍दा मेतालाक घीझ्‍येरी ॱनाना को़न्‍क्षोकगी डुङदु ख्‍यी़ सेम ढाङपो मीदुक।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

जेपा 8:38

धेनी खी़ स्‍यीङता खोरलोगो घुक्‍तु च्‍युक्‍पालाक। धेनी फीलीप धाङ ॱङुङेर ॱङीगारा क्षु नाङदु जुरी, फीलीपगी खोला ठी़सो़ तेरपालाक।

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

रोमापा 10:10

घीझ्‍येरी ॱनाना खेक्‍याई सेमने धेपा झ्‍येरी ढाङपो चीलालाक। धेनी खाने खेलेन्‍दी थारपा थोबालाक।

१ कोरीन्‍थुपा 12:3

होझ्‍येरी को़न्‍क्षोकगी थुक्‍ङी गोने लाब ताङगीन सी़या “येशुला ॱमेमो फोक्‍वास्‍योक” ॱनेरी ॱमेनालाक धेनी धाम्‍पे थुक्‍ङीगी गोने च्‍यीगा “येशुराङ चोवो हीन।” ॱनेरी ॱना थुक्‍कीलाक ॱनागीन लाब दे, खेक्‍याई ॱहाघोकीनगो ङा दो़दीहो़क।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:10

धेनी को़न्‍क्षोकगी सेला धेपा झ्‍यीगीन घीरीगी, सेम नाङला पाङपो दे हो़तालाक। धेनी को़न्‍क्षोकला धेपा मीझ्‍यीगीनक्‍याई खोङबाला शोक्‍पो शो़ हो़तालाक घीझ्‍येरी ॱनाना को़न्‍क्षोकगी राङगी सेगी कोरला जेगीन पाङपोला, खुङक्‍याई धेपा माझ्‍येवालाक।

१ योहान्‍ना 5:5

जीक्‍तेन देला ग्‍यागा थोप्‍कीन नी सुले? येशुराङ को़न्‍क्षोकगी से लाक ॱनेरी, धेपा झ्‍यीगीनगो च्‍यीगा लाक।