जेपा 8:30 - ॱलोवा

³⁰ धेनी फीलीप भाङ तारी, होदे भोलोक्‍तु सोवालाक। धेनी होदे मीगी यस्‍यायागी धेप ढोक्‍कीनगो खी़ ॱहाघोरपालाक। “ख्‍यी़ होदे ढोक्‍कीनगी दो़न्‍दाकगो ॱहाघोरी?” ॱनेरी फीलीपगी खोला ढीवालाक।

जेपा 8:30 Iomraidhean Croise

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 13:23

हीना सा शाङाला थोरथा साङागो का ङेन्‍दी ॱहाघोरती धेनी ढेबु तेरकीनगो लाक। खोने ढेबु केगीलाक धेनी रीङगाने ग्‍या थाम्‍बा, रीङगाने ढुकच्‍यु धेनी रीङगाने सुमच्‍यु थाम्‍बा झ्‍युङगीलाक।”

मेथा 13:51

“दे लाब घीरी खेक्‍याई ॱहाघोरी?” खुङक्‍याई खोङबाला श्‍यी़वालाक, “ॱहाघोजुङ।”

मेथा 15:10

येशुगी मीमाङक्‍याला राङचारु भो़री सुवालाक, “ङेन धेनी ॱहाघोरा झ्‍यी,

मेथा 24:15

“ॱङो़नस्‍येखेन दानीएलगी सुङगीन आम्‍लोवा क्‍यो़न ताङगीन ॱमेचाङा च्‍यीक धाम्‍पे साजारु लारी धेतागो थोङी घाङला, (दे ॱलोक्‍कीनगी ॱहाघोरास्‍योक),

मारकु 13:14

“हुङयेराङ मेगीन साज्‍याला, खेक्‍याई ॱमीच्‍यीकी आम्‍लोवा क्‍यो़न ताङगीन ॱमेचाङा च्‍यीक लारी धेता थोङगीलाक (दी दो़न ढोक्‍कीनक्‍याई ॱहाघोरास्‍योक)। होदे घाङला, युदेयाला हो़गीनक्‍या रीक्‍या स्‍योकला डो़री डोवास्‍योक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

जेपा 8:27

होझ्‍येरी खो क्षोम्‍दी सोवालाक। होदुरु ईथीयोपीयागी ग्‍यामु कान्‍दाकेगी ॱङुङेर, ईथीयोपीयापा ङ्युकरुमपा च्‍यीकला खी़ थुक्‍पालाक। होदे ॱङुङेर दे येरुसालेमदु क्षो़पा पुरु सोरी,

जेपा 8:29

धेनी धाम्‍पे थुक्‍ङीगी फीलीपला सुवालाक, “स्‍यीङता खोरलो भोलोक्‍तु सोङ धेनी होदेमुला सोङ।”

जेपा 8:31

होदे मीगी लेन ग्‍याप्‍पालाक, “सी़ च्‍यीया ङाला दी दो़न्‍दाकगो ॱमाटो थुक्‍पे, ङा घाङ झ्‍येरी ॱहाघोरये?” धेनी खी़ फीलीपला स्‍यीङता खोरलो खाला, मुला श्‍युक्‍रो झ्‍यी ॱनेरी श्‍यी़वालाक।

जेपा 8:5

फीलीप सामारीयागी ग्‍याजारु सोरी, मास्‍यीकागी कोरला मीक्‍याला स्‍येपालाक।

१ कोरीन्‍थुपा 14:19

हीना क्षो़छोकगी नाङदु ङा केरीक श्‍येम्‍मागी थोक्‍ने छीक ठी च्‍यीक तो़न्‍दी लाब ताङयेने, ङारी रीक्‍पागी थोक्‍ने छीक ॱङा तो़न्‍दी श्‍येम्‍माला ॱलापच्‍या तेरयेला, ङा लाब ताङङी दो़दीक।

एफीसुपा 5:17

होझ्‍येरी ॱलेन्‍दा माझ्‍युङ हीना चोवोगी थुकोङ, घी हीन्‍गीनगो स्‍येलाझ्‍यी।

ॱङो़न्‍पा 13:18

दो़न दे ॱहाघोरयेगी स्‍येराप घोयेदुक। स्‍येराप हो़गीनगी, होदे सेम्‍चेनगी ढाङगागो ची ग्‍याप्‍घो़ घीझ्‍येरी ॱनाना होदे नी, मी च्‍यीकगी ढाङगा लाक। धेनी ढाङगागो ६६६ लाक।