जेपा 8:1 - ॱलोवा

¹ धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

जेपा 8:1 Iomraidhean Croise

मेथा 22:6

धेनी मी श्‍येम्‍माक्‍याई खी़ ॱयोक्‍पोक्‍याला शीम्‍दी ङोजा पाप्‍ती सेपालाक।

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

मेथा 5:13

“खेक्‍या जीक्‍तेनगी छा लाक हीना छागी ढोवागो येना, घाङगी झ्‍येरी धाब्‍ले छा डोवा शोये? होदे फीला ॱयुक्‍ती मीगी काङबी होकला ॱलेम्‍ये माना, श्‍येम्‍मा घीलाः फेन ॱमेथोवालाक।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

जेपा 13:36

“दे लाबगो दावीदगी खोरी कोरला ॱनेवामालाक। घीझ्‍येरी ॱनाना खोरी धी़चो़ला, को़न्‍क्षोकगी दो़पाने लेगा झ्‍येसारती, खो नी स्‍यीवालाक धेनी खोरी धाङबी फामामुला कुङदी रुवालाक।

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

जेपा 22:20

धेनी खेराङगी पाङपो तेरकीन सेतेफेनला ठाक ॱमाशीङी सेदी घाङला, ङा होदुरुराङ हो़तालाक। धेनी खोला सेगीनक्‍यामुला ङा थी़न्‍दी, खुङक्‍याई घोलाक ॱरुङदी धेबी।’

जेपा 26:10

धेनी ङी येरुसालेमला देरे झ्‍यीये झ्‍येवी। ङी क्षो़पो़न क्षेक्‍याई आङजा जोरती, धाम्‍पे मी ॱमीच्‍यीकी माङाला चो़न्‍खाङदु दाक्‍पी धेनी होदेक्‍याला सेये झ्‍यीदाराङ, ङीया ङोलेन झ्‍येवी।

जेपा 5:18

धेनी खुङक्‍याला शीम्‍दी आटाला धाक्‍पालाक।

जेपा 5:20

“क्षो़खाङक्‍याला सोरी मीक्‍याला दे मीछे साबागी लाब घीरी स्‍ये।”

जेपा 5:33

धेनी दे लाबगो ङेन्‍दी होदुरु जोम्‍जा गोठीक्‍या ॱमीच्‍यीकी श्‍येताङ लारी, कुछापक्‍याला सेङी दो़पालाक।

जेपा 5:40

धेनी खुङ घीरी खी़ ॱनागीनला ङेन्‍बालाक। खुङक्‍याई कुछापक्‍याला नाङदु केक तारी ताजाक श्‍युरती, येशुगी छेनने धाब्‍ले लाबक्‍या ॱमास्‍ये ॱनेरी झावालाक।

जेपा 7:38

दे होदे मोशेराङ लाक। ईस्‍राएल्‍पाक्‍या रीतोङदु धेदी घाङला, सीना रीरु नाम्‍खे भाङछेनगी मोशे धाङ होरी धाङबी फामाक्‍यामुला कामो़न सुवालाक। धेनी को़न्‍क्षोकगी खोला होरी क्षीला, छे ॱनाङगीन का ॱनाङवालाक।

जेपा 7:54

सेतेफेनगी होदे लाबगो घोरती, छोक्‍पा क्षेरु हो़गीन गोठीक्‍या ॱमीच्‍यीकी खोङडो लावालाक धेनी खुङक्‍या खोङडो लारी खोला सो ढीक्‍पालाक।

जेपा 7:58

धेनी खुङक्‍याई खोला ढी़दी ग्‍याजा फीला तो़न्‍दी धोगोङ श्‍युरपालाक। धेनी पाङपोक्‍याई खोरी घोलाकक्‍या साउल ॱनागीन, ख्‍योक्‍तोङ च्‍यीकगी काङबारु श्‍याक्‍पालाक।

जेपा 8:14

येरुसालेमदु हो़गीन कुछापक्‍याई सामारीया मीक्‍याई, को़न्‍क्षोकगी का खेलेन्‍दुक ॱनेरी ॱहाघोरती, पेटो धाङ योहान्‍नाला खुङक्‍याचारु झावालाक।

जेपा 8:2

क्षो़वा रीङगाक्‍याई सेतेफेनगी फुङबुगो कुङबालाक धेनी खी़ क्षीला ॱमीच्‍यीकी ङुता ग्‍याप्‍पालाक।

जेपा 8:4

धा डाम्‍दी सोसा धेपा-झ्‍यीगीन घीरीगी राङ घारु डोसादु, ताम्‍शाङ स्‍येदी-स्‍येदी सोवालाक।

जेपा 8:5

फीलीप सामारीयागी ग्‍याजारु सोरी, मास्‍यीकागी कोरला मीक्‍याला स्‍येपालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 1:32

देरे लेगा झ्‍यीगीनक्‍याला, को़न्‍क्षोकगी ढाङतेनगी ठीमला छीवे ङेपा फोक्‍कीलाक ॱनागीन, लाब दे खुङक्‍याई स्‍येरीयाः, खुङक्‍याई दे लेगाक्‍या झ्‍यीये च्‍यीगा मेन्‍दा हीना देरे लेगा झ्‍यीगीन मी श्‍येम्‍माक्‍यालाः सेमस्‍युक पारालाक।

फीलीप्‍पीपा 1:12

पी़नक्‍याओ, ङाला घी झ्‍युझ्‍यागी़ ॱङोन्‍ने झ्‍यीना, ताम्‍शाङ फेयेला फेन थोक्‍पालाक, ॱनेरी खेक्‍याई स्‍येलाझ्‍यी ॱनेरी ङा दो़दीहो़क।

ईब्‍रीपा 11:27

धेपागी गोने खी़ ग्‍यावुगी थुक्‍ठो़ला माजीक्‍वा, एजेप युने थो़न्‍दी सोवालाक। घीझ्‍येरी ॱनाना ॱमीकगी थोङ ॱमीथुक्‍कीन को़न्‍क्षोकला थोथा च्‍योक्‍रे, खो तेन्‍पो झ्‍येरी धेपालाक।