जेपा 7:55 - ॱलोवा

⁵⁵ हीना खो धाम्‍पे थुक्‍ङीगी खारी, नाम्‍खे श्‍यीङखाम स्‍योकला तेरी धेपालाक। खी़ को़न्‍क्षोकगी शीजे धाङ चोवो येशुला, को़न्‍क्षोकगी ॱये स्‍योकला श्‍यारी श्‍युक्‍कीन थोवालाक।

जेपा 7:55 Iomraidhean Croise

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 12:41

यस्‍यायागी येशुगी शीजे थोरी, खोङबागी कोरला देरे सुवालाक।

योहान्‍ना 14:3

धेनी ङा सोरी खीकी क्षीला धेजा डाढीक झ्‍येसारती, ङा धाब्‍ले हुङयेहीन। धेनी खेक्‍याला ङा हो़जारु ठीक्‍ती डोयेहीन। धेनी ङा घारु हो़जारु, खेक्‍याः हुङगीलाक।

जेपा 2:4

धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 4:8

धेनी पेटो धाम्‍पे थुक्‍ङीगी खारी, खुङक्‍याला ॱनेवालाक, “मीक्‍याई पो़न्‍पोक्‍या धाङ गोठीक्‍या!

जेपा 6:10

हीना धाम्‍पे थुक्‍ङीगी सेतेफेनला देरे रीक्‍पा ॱनाङालाक। धेनी खो लाब ताङी घाङला, मीक्‍या खी़ खाप्‍टा ॱमाथोप्‍पालाक।

जेपा 6:3

होझ्‍येरी पी़न्‍दाक्‍याओ, खेराङक्‍या नाङने धाम्‍पे थुक्‍ङीगी खाङखा ॱनेरी स्‍येगीन धाङ स्‍येरापगी खाङखा मी धी़न दोम। धेनी हेक्‍या दे शामागी ची खुङक्‍याला ग्‍याप्‍येहीन।

जेपा 6:5

कुछापक्‍याई ढो़ दे घीरीला घा स्‍येवालाक। धेनी खुङक्‍याई धाम्‍पे थुक्‍ङी धाङ धेपागी खाङखा, सेतेफेन धाङ फीलीप धाङ पोरोखोरु धाङ नीकानोर धाङ तीमोन धाङ पारमेना धाङ आन्‍तीयोक ग्‍याजागी नीकोला दाम्‍बालाक। नीकोला नी, याहुदापा क्षो़ला ग्‍युरग्‍युवा मी च्‍यीक लाक।

जेपा 6:8

को़न्‍क्षोकगी सेतेफेनला मीक्‍याई घुङदु यामसागीन लेगा झ्‍यीये धाङ ताकक्‍या तो़न्‍येला, थुक्‍जे धाङ नी़थु ॱनाङवालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 8:1

धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।

२ पेटो 1:17

घीझ्‍येरी ॱनाना याप को़न्‍क्षोकने खोङबाला कुरती धाङ शीजे थोप्‍यी घाङला, शीजे धाङ धेन्‍पे सुङकेकगी खोङला, “दे नी ङी चेवे भु हीन धेनी खी़मुला ङा ॱमीच्‍यीकी ङ्यामो घा हो़क।” सुरी सुङकेक दे थो़न्‍बालाक।

ॱङो़न्‍पा 21:11

होदेला को़न्‍क्षोकगी शीजेगी हो़ स्‍यारी धेनी दी हो़ नी, धो रीन्‍पोक्षे याङटी ॱङोम्‍पो च्‍योक्‍रे धाङ दाङस्‍येल च्‍योक्‍रे साला हो़तालाक।