जेपा 6:8 - ॱलोवा

⁸ को़न्‍क्षोकगी सेतेफेनला मीक्‍याई घुङदु यामसागीन लेगा झ्‍यीये धाङ ताकक्‍या तो़न्‍येला, थुक्‍जे धाङ नी़थु ॱनाङवालाक।

जेपा 6:8 Iomraidhean Croise

योहान्‍ना 4:48

येशुगी खोला सुवालाक, “खेक्‍या ताक धाङ याम्‍क्षेनगी क्षाक्‍लेक्‍या ॱमाथोङगीन थुक्‍पे धेपा मीझ्‍यीदालाक।”

जेपा 6:10

हीना धाम्‍पे थुक्‍ङीगी सेतेफेनला देरे रीक्‍पा ॱनाङालाक। धेनी खो लाब ताङी घाङला, मीक्‍या खी़ खाप्‍टा ॱमाथोप्‍पालाक।

जेपा 6:15

छोक्‍पारु जोम्‍जा मी घीरी सेतेफेनला श्‍यीप्‍ता झ्‍येरी, तेरी धे हो़तालाक। धेनी खुङक्‍याई खी़ ङोदोङगो, नाम्‍खे भाङछेनगी श्‍याल च्‍योक्‍रे हो़क ग्‍याप्‍कीन थोवालाक।

जेपा 6:3

होझ्‍येरी पी़न्‍दाक्‍याओ, खेराङक्‍या नाङने धाम्‍पे थुक्‍ङीगी खाङखा ॱनेरी स्‍येगीन धाङ स्‍येरापगी खाङखा मी धी़न दोम। धेनी हेक्‍या दे शामागी ची खुङक्‍याला ग्‍याप्‍येहीन।

जेपा 6:5

कुछापक्‍याई ढो़ दे घीरीला घा स्‍येवालाक। धेनी खुङक्‍याई धाम्‍पे थुक्‍ङी धाङ धेपागी खाङखा, सेतेफेन धाङ फीलीप धाङ पोरोखोरु धाङ नीकानोर धाङ तीमोन धाङ पारमेना धाङ आन्‍तीयोक ग्‍याजागी नीकोला दाम्‍बालाक। नीकोला नी, याहुदापा क्षो़ला ग्‍युरग्‍युवा मी च्‍यीक लाक।

जेपा 7:55

हीना खो धाम्‍पे थुक्‍ङीगी खारी, नाम्‍खे श्‍यीङखाम स्‍योकला तेरी धेपालाक। खी़ को़न्‍क्षोकगी शीजे धाङ चोवो येशुला, को़न्‍क्षोकगी ॱये स्‍योकला श्‍यारी श्‍युक्‍कीन थोवालाक।

जेपा 8:6

फीलीपगी स्‍येगीन लाबला ङेन्‍दी धेनी खी़ झ्‍यीगीन ॱहाङसागीन ताकक्‍या थोरी, मीमाङ घीरी, खी़ ॱनागीनगोला ॱमीच्‍यी दो़नाङ तेरती ङेन्‍बालाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

१ तीमोथेउ 3:13

श्‍याप्‍तोक्‍पा झ्‍युरी श्‍याप्‍तोक घा पुगीनक्‍याला, राङला घुस्‍याप थोप्‍कीलाक धेनी मास्‍यीका येशुगी थोक्‍ने धेपाला ॱलोतेक्षे थोप्‍कीलाक।