जेपा 6:7 - ॱलोवा

⁷ को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

जेपा 6:7 Iomraidhean Croise

मेथा 19:30

हीना धान्‍दा एन्‍ला हीन्‍गीन माङक्षे स्‍याम्‍मा धाङ धान्‍दा स्‍याम्‍ला हीन्‍गीन माङक्षे एन्‍ला झ्‍युङगीलाक।”

लुका 2:34

धेनी सीमेयोनगी खोङ ॱङीउला झ्‍यीलाप ॱनाङदी, भीजी आमा मीरीयामला ॱनेवालाक, “दे भीजा दे ईस्‍राएलदु मी माङाला जोक्‍तु च्‍युक्‍ये धाङ मी माङाला क्‍योप्‍येला, को़न्‍क्षोकगी दामा जेपालाक। धेनी ङोलोक झ्‍यीगीनगी ताकगी क्षीला दामा जेपालाक।

योहान्‍ना 12:42

देरे झ्‍येरीया याहुदापा पो़न्‍रीक नाङने माङागी, येशुला धेपा झ्‍येवालाक। हीना खुङक्‍याला याहुदापे छोक्‍खाङने पी़टु ॱनेरी, फारुसीपाक्‍याला जीक्‍ती खेलेन माझ्‍येवालाक।

जेपा 12:24

हीना को़न्‍क्षोकगी का ख्‍याप्‍ती सोरी धेपा-झ्‍यीगीनक्‍या माङदु-माङदु फेरी सोवालाक।

जेपा 13:8

हीना एलुमास ॱनागीन ॱमीक्‍ठुल झ्‍यीगीनगी (दे खी़ गीरीक मीङ लाक) बारनाबा धाङ साउलला दुक्‍पु तेरती, पो़न्‍पो क्षेगोला धेपाने खा ॱलोक्‍ये झ्‍येवालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 19:20

देरे झ्‍येरी चोवोगी का टाम्‍दी सोरी धेनी ॱमीच्‍यीकी वाङक्षे झ्‍युवालाक।

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 6:1

धा होदे ङीमाक्‍याला, येशुला धेपा-झ्‍यीगीन मी माङदु-माङदु सोवालाक। हीना होदे घाङलाराङ गीरीक केक ग्‍याप्‍कीन, याहुदापाक्‍याई ईब्‍रीपा केक ग्‍याप्‍कीन याहुदापाक्‍याला ॱङ्योक्‍टा स्‍येबालाक घीझ्‍येरी ॱनाना खुङक्‍याई युक्‍जामाक्‍याला, ङीन्‍रेगी शामागी कादागो घामोमा माराक हो़तालाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

गालातीयापा 1:23

खुङक्‍याई देचो़ च्‍यीगा घोर हो़तालाक, “एम्‍मा होराङला दुक्‍पु तारी, होरी चीगीन धेपा मेताला ताङये झ्‍यीगीन मीगो धान्‍दा होदे धेपागी क्षीलाराङ ताम्‍शाङ स्‍येदीक।”

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

ईब्‍रीपा 11:8

धेपागी गोने को़न्‍क्षोकगी आब्‍राहामला ॱनाङयेगी धाम्‍चा जेजा, यु च्‍यीकरु डोयेला भो़ली घाङला, खो घारु डोये हीन्‍गीनगो स्‍येये मेतालाः, खो काला ङेन्‍दी सोवालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।