जेपा 6:12 - ॱलोवा

¹² देरे झ्‍येरी खुङक्‍याई मीमाङक्‍या धाङ गोठीक्‍या धाङ क्षो़ठीमगी ॱलोपो़नक्‍याला लाब टुक्‍पालाक। धेनी खुङक्‍या सोरी, सेतेफेनला शीम्‍दी, छोक्‍पा क्षेरु ठीक्‍ती होवालाक।

जेपा 6:12 Iomraidhean Croise

मेथा 26:57

येशुला शीम्‍गीनक्‍याई खोङबाला चो क्षो़पो़न कायाफागी नाङदु जोम्‍जा, क्षो़ठीमगी ॱलोपो़नक्‍या धाङ गेम्‍पाक्‍याई चारु ठीक्‍पालाक।

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

लुका 20:1

ङीमा च्‍यीक, येशु क्षो़खाङदु मीक्‍याला क्षो़ सुङी हो़तालाक धेनी ताम्‍शाङगो स्‍येदी घाङला, क्षो़पो़न क्षेक्‍या धाङ क्षो़ठीमगी ॱलोपो़नक्‍यामुला गेम्‍पाक्‍या खोङबाचारु होरी

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 14:2

हीना धेपा मीझ्‍यीगीन याहुदापाक्‍याई याहुदापा मेन्‍गीन मीक्‍याला खोक्‍पा ग्‍यारी, धेपा झ्‍यीगीनक्‍याई डाला ॱलावालाक।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 21:27

धेनी ङीमा धी़न्‍बागो जोक्‍कु झ्‍यीदी घाङला, एशीया स्‍योकने होवा याहुदापाक्‍याई पाउलुला क्षो़खाङदु थोवालाक। खुङक्‍याई मी ॱमीच्‍यीकी माङाला पाउलुगी डाला ॱलारी खोला शीम्‍दी,

जेपा 5:18

धेनी खुङक्‍याला शीम्‍दी आटाला धाक्‍पालाक।

जेपा 5:27

खुङक्‍याई कुछापक्‍याला छोक्‍पा क्षेगी दोङदु ॱलारी, चो क्षो़पो़नगी खुङक्‍याला ढीवालाक,

जेपा 6:11

धेनी खुङक्‍याई मी रीङगाला खाबा खोक्‍पा ग्‍याङदी ॱनारु च्‍युक्‍पालाक, “दे मी देगी मोशे धाङ को़न्‍क्षोकगी कोरला कुरवा धेप्‍कीन हीकी ॱहाघोरजुङ।”