जेपा 6:11 - ॱलोवा

¹¹ धेनी खुङक्‍याई मी रीङगाला खाबा खोक्‍पा ग्‍याङदी ॱनारु च्‍युक्‍पालाक, “दे मी देगी मोशे धाङ को़न्‍क्षोकगी कोरला कुरवा धेप्‍कीन हीकी ॱहाघोरजुङ।”

जेपा 6:11 Iomraidhean Croise

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 9:29

को़न्‍क्षोकगी मोशेला कामो़न सुङगीनगो हेक्‍याला स्‍येयेहो़क हीना दे मी दे घाने हुङगीनगो हेक्‍याला स्‍येयेमेक।”

जेपा 15:21

घीझ्‍येरी ॱनाना मोशेगी ॱनाङना क्षो़ठीमगो एम्‍मानेराङ, ङासुगीन ङीमा तेनग्‍याङ छोक्‍खाङक्‍याला ढोक्‍कीन झ्‍येरी, खी़ ॱलापच्‍याक्‍या ग्‍याजा घीरीला स्‍ये हो़तालाक।”

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

जेपा 21:28

फेरा ग्‍याप्‍पालाक, “ईस्‍राएल्‍पाक्‍याओ, हेक्‍याला रोवा झ्‍यीरोझ्‍यी! घारु-घारु सोरी होराङ ईस्‍राएल्‍पाक्‍या धाङ मोशेगी क्षो़ठीम धाङ क्षो़खाङ देगी कोरला ॱमेटा पाप्‍कीन मीगो देराङ लाक। धेनी देचो़ च्‍यीगा मेन्‍दा, याहुदापा मेन्‍गीन मीरीकगी मीक्‍याला दे क्षो़खाङ नाङदु ठीक्‍ती होरी दे धाम्‍पे साजाला खी़ ॱमेचाङा शो़जुङ।”

जेपा 25:3

धेनी पाउलुला लाम्‍गाला राङ सेये साम्‍दी, पाउलुला येरुसालेमदु झाङरोनाङ ॱनेरी श्‍योवा पुवालाक।

जेपा 25:7

पाउलु ॱलेप्‍ती येरुसालेमने होवा याहुदापाक्‍या खी़ ॱये-ॱयो़नला लारी, खी़ कोरला ढामेढा क्‍यो़न छाप्‍क्षेक्‍या कावालाक। हीना होदेक्‍याई पाङपोगो तेर ॱमाथुक्‍पालाक।

जेपा 26:11

धेनी थेङमा ॱमीच्‍यीकी माङा ङी खुङक्‍याला येशुला ॱमेटा पाप्‍तु च्‍युक्‍येला, छोक्‍खाङक्‍या नाङदु छेपा कारु च्‍युक्‍पी। ङा खुङक्‍यामुला ॱमीच्‍यीकी श्‍येताङ लारी, ङी श्‍येम्‍मा ग्‍याखापक्‍याला सोरी खुङक्‍याला दुक्‍पु तावी।”

जेपा 6:10

हीना धाम्‍पे थुक्‍ङीगी सेतेफेनला देरे रीक्‍पा ॱनाङालाक। धेनी खो लाब ताङी घाङला, मीक्‍या खी़ खाप्‍टा ॱमाथोप्‍पालाक।

जेपा 6:12

देरे झ्‍येरी खुङक्‍याई मीमाङक्‍या धाङ गोठीक्‍या धाङ क्षो़ठीमगी ॱलोपो़नक्‍याला लाब टुक्‍पालाक। धेनी खुङक्‍या सोरी, सेतेफेनला शीम्‍दी, छोक्‍पा क्षेरु ठीक्‍ती होवालाक।

जेपा 6:13

धेनी खुङक्‍याई शोक्‍चेनक्‍याला दोङदु ठीक्‍ती, हो ॱनारु च्‍युक्‍पालाक, “दे मी दे च्‍योई धाम्‍पे क्षो़खाङ धाङ मोशेगी ॱनाङना क्षो़ठीमगी ग्‍याप्‍लोकला लाब ताङी।

रोमापा 3:8

धेनी “शाङा झ्‍युङास्‍योक ॱनेरी ङेन्‍पा घीझ्‍येरी मीझ्‍यीये?” ॱनेरी, हेक्‍याई ॱनी ॱनेरी, मी रीङगागी हेक्‍याला ॱमेबेप तारी, क्‍यो़न चुक्‍वालाक। देरे ॱनागीनक्‍याला छेपा फोक्‍घोये दुक।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।