जेपा 6:1 - ॱलोवा

¹ धा होदे ङीमाक्‍याला, येशुला धेपा-झ्‍यीगीन मी माङदु-माङदु सोवालाक। हीना होदे घाङलाराङ गीरीक केक ग्‍याप्‍कीन, याहुदापाक्‍याई ईब्‍रीपा केक ग्‍याप्‍कीन याहुदापाक्‍याला ॱङ्योक्‍टा स्‍येबालाक घीझ्‍येरी ॱनाना खुङक्‍याई युक्‍जामाक्‍याला, ङीन्‍रेगी शामागी कादागो घामोमा माराक हो़तालाक।

जेपा 6:1 Iomraidhean Croise

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

जेपा 11:20

घीहीन्‍ना साईपुरुस धाङ कुरेनेने आन्‍तीयोकदु ॱलेप्‍ला धेपा-झ्‍यीगीन रीङगाक्‍याई, चोवो येशु कोरला याहुदापा मेन्‍गीनक्‍याला का स्‍येपालाक।

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 2:41

मी ॱमीच्‍यीकी माङागी पेटोगी ॱनेना लाबला यीच्‍चे झ्‍येवालाक धेनी ठी़सो़ लेन्‍बालाक। धेनी होदे ङीमागो मी तोङ सुम चो़, खुङक्‍याई ढाङगाला दोम्‍बालाक।

जेपा 2:45

खुङक्‍या खोरी सा धाङ ग्‍युनोरक्‍या चोरी, च्‍यीकगी च्‍यीकला घो़गीनगो घोवालाक।

जेपा 2:47

धेनी च्‍योई को़न्‍क्षोकगी तो़टा ताङालाक। श्‍येम्‍मा मीक्‍याईयाः खुङक्‍याला सेम्‍बा थेदालाक। थारपा राक्‍राक्‍याई ढाङगा, होदेक्‍याई खोक्‍दु ङीमा च्‍योई चोवोगी माङदु जेपालाक।

जेपा 4:35

ॱङुगो कुछापक्‍याला पुलालाक धेनी कुछापक्‍याई घो़गीन मी घीरीला तेरालाक।

जेपा 4:4

हीना होदे कुछाप ॱङीउगी का ङेन्‍गीनक्‍याने, मी माङक्षेगी धेपा झ्‍येवालाक धेनी धेपा झ्‍यीगीन मीक्‍याई ढाङगा माङदु सोरी, तोङ ॱङा चो़ झ्‍युवालाक।

जेपा 5:14

धेनी चोवोला धेपा-झ्‍यीगीन केवे-भु धाङ भोमो ॱङीगारा ॱयोल्‍ले माङदु सोवालाक।

जेपा 5:28

“हेक्‍याई खेक्‍याला येशुगी मीङने क्षो़ ॱमास्‍ये ॱनेरी, का तेरपा माले? हीना खेक्‍याई खेरी क्षो़क्‍या येरुसालेम घीरीला टाम्‍सादुक। धेनी होदे मीगी ठाकगी क्‍यो़नगो हेला चुक्‍ये झ्‍यीदीक।”

जेपा 6:2

धा होरे झ्‍युरी कुछाप च्‍युङङीक्‍याई ङेने घीरीला केक तारी ॱनेवालाक, “को़न्‍क्षोकगी का स्‍येयेगो भोरती शामागी क्षीला गो यारी धेना, हीकी क्षीला घा हुङगुमालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।

जेपा 9:29

धेनी खो च्‍योई गीरीक याहुदापाक्‍यामुला लाब तारी थाप्‍पालाक हीना खुङक्‍या खोला सेयेला थापस्‍यी झ्‍येवालाक।

जेपा 9:39

होझ्‍येरी पेटो लारी खुङक्‍यामुला सोवालाक। खो होदुरु ॱलेप्‍ती, खुङक्‍याई खोला खीम तो़ला ठीक्‍पालाक। होदुरु युक्‍जामाक्‍या ङुता ग्‍यावी हो़तालाक धेनी खुङक्‍यामुला हो़ती घाङला, दोरकासगी शो़सा घो़ धाङ घोलाक श्‍येम्‍माक्‍या पेटोला तो़न्‍बालाक।

जेपा 9:41

धेनी पेटोगी खोरी लाक्‍पा तेरती, मो टोङी लाङयेला रोवा झ्‍येवालाक। खी़ श्‍येम्‍मा धाम्‍पे मीक्‍या धाङ युक्‍जामाक्‍याला भो़री मो सो़न्‍पो तो़न्‍बालाक।

रोमापा 12:7

धेनी श्‍याप्‍ची श्‍युये हीन्‍ना श्‍याप्‍ची श्‍यी़ धेनी ॱलोप्‍चुङ तेरये हीन्‍ना ॱलोप,

१ कोरीन्‍थुपा 10:10

धेनी खुङक्‍या च्‍योक्‍रे होराङक्‍या दुकेक ग्‍याप्‍ये मेतालाक। खुङक्‍याने रीङगागी दुकेक ग्‍याप्‍ती, खुङक्‍याला ॱरोक चेगीन भाङछेनगी मेताला जेपालाक।

२ कोरीन्‍थुपा 11:22

धा खुङक्‍या ईब्‍रीपा ले? ङाः हीन। खुङक्‍या आब्‍राहामगी भी़टुक ले? ङाः हीन।

फीलीप्‍पीपा 3:5

ङा केरी ङीमा ग्‍येपागोला पाउ च्‍येपालाक। धेनी ङा ईस्‍राएलगी मीरीक, बेन्‍यामीनगी ग्‍युपा धेनी ईब्‍रीपा मीरीकक्‍याई नाङने ईब्‍रीपा ॱङोन्‍नेगो धेनी क्षो़ठीमला क्षा श्‍याक्‍ना ङा फारुसीपा,

१ तीमोथेउ 5:3

तातोक झ्‍यीगीन मेगीन युक्‍जामाक्‍याला चीदोङ झ्‍यी।

१ तीमोथेउ 5:9

लो ढुकच्‍यु याला ॱलेप्‍ला धाङ ख्‍योवा च्‍यीकगी केमी झ्‍युजा युक्‍जामाला, युक्‍जामाक्‍याई थोला चुक।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 4:5

याङना “को़न्‍क्षोकगी होरी नाङदु ॱनेरु च्‍युक्‍कीन थुक्‍ङी नी ठादोकगी खाङ हो़तालाक।” ॱनेरी सुङरापगी दो़न्‍मेला देरे सुङवा हीन्‍ढु ॱनेरी, खेक्‍या सामी हो़ती?

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।