जेपा 5:42 - ॱलोवा

⁴² होदे स्‍याम्‍ने खुङक्‍या श्‍याक्‍मो डाङी, क्षो़खाङक्‍या धाङ नाङ-नाङला सोरी येशुराङ मास्‍यीका हीन ॱनागीन ताम्‍शाङगो, ॱलाप्‍ये धाङ स्‍येयेला नामा छाम माश्‍याक्‍पालाक।

जेपा 5:42 Iomraidhean Croise

लुका 21:37

धेनी ङीमा तेनग्‍याङ येशुगी क्षो़खाङदु क्षो़ तो़न जेपालाक हीना घोमुगो खोङबा होदेने थो़न्‍दी क्‍युरुस्‍यीङगी रीला छेन क्‍यालालाक।

लुका 22:53

ङा ङीमा तेनग्‍याङ क्षो़खाङदु खेक्‍यामुला हो़ती घाङला, खेक्‍याई ङाला माशीम्‍बालाक। हीना धान्‍दा खेक्‍याई धी़चो़ लाक धेनी मी़नाकगी वाङ लाक।”

जेपा 11:20

घीहीन्‍ना साईपुरुस धाङ कुरेनेने आन्‍तीयोकदु ॱलेप्‍ला धेपा-झ्‍यीगीन रीङगाक्‍याई, चोवो येशु कोरला याहुदापा मेन्‍गीनक्‍याला का स्‍येपालाक।

जेपा 13:32

धा हेक्‍या खेराङक्‍याला दे ताम्‍शाङ स्‍येयेहीन, को़न्‍क्षोकगी होरी धाङबी फामाक्‍याला जेजा धाम्‍चा,

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

जेपा 17:3

मास्‍यीकाला दुक्‍पु राक घोगीलाक धेनी छीवाने याङ सो़न्‍पो झ्‍युङघोगीलाक ॱनागीन लाब देला, खी़ खुङक्‍याला ढेस्‍ये ग्‍याप धेनी पाङपो तेर झ्‍येवालाक। धेनी “ङी खेक्‍याला ॱनागीन येशु खोङबाराङ मास्‍यीका लाक।” ॱनेरी खी़ ॱनेवालाक।

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 20:20

धेनी खेराङक्‍या खोक्‍दु धाङ नाङ-नाङला जुरी, ङी ॱलापच्‍या तेरी घाङला, खेराङक्‍याला फेन थोक्‍कीन लाब घीन्‍दा ङी सेम नाङदु माश्‍याक्‍पी।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

जेपा 4:29

धा चोवो, खुङक्‍याई जीक्‍टा कुगीनगोला शीया जे। खेराङगी ॱयोक्‍पोक्‍याला खेराङगी का मीज्‍यीया स्‍येयेला स्‍युक ॱनाङरोनाङ।

जेपा 8:35

धेनी फीलीपगी होदे सुङरापगी छीक्‍छामने गो चुक्‍ती, खोला येशुगी कोरला ताम्‍शाङगो स्‍येपालाक।

जेपा 8:5

फीलीप सामारीयागी ग्‍याजारु सोरी, मास्‍यीकागी कोरला मीक्‍याला स्‍येपालाक।

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

१ कोरीन्‍थुपा 2:2

घीझ्‍येरी ॱनाना ङा खीकीमुला हो़ताराङ, येशु मास्‍यीका धाङ खोङगी ग्‍याङस्‍यीङगी लाब माना, श्‍येम्‍मा घीरी ढेन्‍बा ज्‍येयेला ङी थाक चेवी।

गालातीयापा 1:16

याहुदापा मेन्‍गीन मीरीकक्‍याला ताम्‍शाङ स्‍येयेगी क्षीला, खोङबागी से ङाला तो़न जेसुङ धेनी ङी छाटाक झ्‍येरी सी़मुला ढो़ माझ्‍ये,

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।