जेपा 5:41 - ॱलोवा

⁴¹ येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

जेपा 5:41 Iomraidhean Croise

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

जेपा 5:21

कुछापक्‍याई होदे लाब ङेन्‍दी, ॱङारोक ॱङात्‍ती क्षो़खाङ नाङदु सोरी क्षो़ स्‍येपालाक। धेनी चो क्षो़पो़न धाङ खी़ रोवा ईस्‍राएल्‍पाक्‍याई, गोठी घीरीला छोक्‍पा क्षेरु भो़वालाक। धेनी खुङक्‍याई कुछापक्‍याला आटाने ठीक्‍ती हुङयेला मीक्‍या झावालाक।

रोमापा 5:3

देचो़ च्‍यीगा मेन्‍दा, होराङ होरी दुक्‍ङेलला घाटो झ्‍यीदालाक घीझ्‍येरी ॱनाना दुक्‍ङेलगी शो़पा

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।

३ योहान्‍ना 1:7

घीझ्‍येरी ॱनाना धेपा मीझ्‍यीगीनक्‍याने खुङक्‍याई रोक्‍राम घीया मालेन्‍बा, खुङक्‍या खोङबागी छेनगी क्षीदु डुला थो़न्‍दुक।