जेपा 5:40 - ॱलोवा

⁴⁰ धेनी खुङ घीरी खी़ ॱनागीनला ङेन्‍बालाक। खुङक्‍याई कुछापक्‍याला नाङदु केक तारी ताजाक श्‍युरती, येशुगी छेनने धाब्‍ले लाबक्‍या ॱमास्‍ये ॱनेरी झावालाक।

जेपा 5:40 Iomraidhean Croise

मेथा 10:17

मीक्‍याने शाप-शाप झ्‍यी घीझ्‍येरी ॱनाना खुङक्‍याई खेक्‍याला ठीम्‍खाङला ची ग्‍याप्‍कीलाक, धेनी खुङक्‍याई छोक्‍खाङक्‍यारु खेक्‍याला ताजाक श्‍युरकीलाक।

मेथा 20:19

धेनी खोला याहुदापा मेन्‍गीन मीरीकक्‍याई लागला क्षाले ग्‍याप्‍ये धाङ ताजाक श्‍युरये धाङ ग्‍याङस्‍यीङला क्‍याङयेगी क्षीला, ची ग्‍याप्‍कीलाक। हीना ङीमा सुम्‍बागोला खो सो़न्‍पो श्‍याङगीलाक।”

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

मारकु 13:9

“खेक्‍या चाङजे झ्‍येरी धो़क घीझ्‍येरी ॱनाना मीक्‍याई खेक्‍याला शीम्‍दी, ठीम्‍खाङक्‍याला ठीक्‍कीलाक धेनी छोक्‍खाङक्‍याला ठीक्‍ती दुङगीलाक। धेनी ङी क्षीला खुङक्‍याला पाङपो तो़न्‍येला, खेक्‍या पो़न्‍पोक्‍या धाङ ग्‍यावुक्‍या दोङदु लाङ घो़गीलाक।

लुका 20:10

धेनी तो़न धी़ये धी़चो़गो ॱलेवी घाङला, दाक्‍पोगो राङला घुन्‍डुम तीते च्‍यीक तेरास्‍योक ॱनेरी, ॱयोक्‍पो च्‍यीकला बोक्‍माला लेन्‍गीनक्‍या चारु झावालाक। हीना होदेक्‍याई खोला दुरी लाक्‍पा तोङबा ॱलोक्‍ती झावालाक।

जेपा 5:28

“हेक्‍याई खेक्‍याला येशुगी मीङने क्षो़ ॱमास्‍ये ॱनेरी, का तेरपा माले? हीना खेक्‍याई खेरी क्षो़क्‍या येरुसालेम घीरीला टाम्‍सादुक। धेनी होदे मीगी ठाकगी क्‍यो़नगो हेला चुक्‍ये झ्‍यीदीक।”

२ कोरीन्‍थुपा 11:24

धेनी थेङमा ॱङा थुक्‍पे ङाला याहुदापाक्‍याई लाक्‍पाने, च्‍यीक माना श्‍यीपच्‍यु थुक्‍पे ताजाकगी दुङदाक फोक्‍जुङ।