जेपा 5:36 - ॱलोवा

³⁶ धी़ च्‍यीकला थेहुदा ॱनागीन मी च्‍यीक राङ-राङला मी खाक्‍क्षे च्‍यीक हीन ॱनेरी होवालाक। धेनी मी श्‍यीपग्‍या चो़ खी़ स्‍याबाला डावालाक। हीना खोला सेपालाक धेनी खी़ स्‍याम्‍ला डागीन घीरी ठेथोरी सोरी, खी़ लेगा घीरी मेताला सोवालाक।

जेपा 5:36 Iomraidhean Croise

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:26

होझ्‍येरी खुङक्‍याई खेक्‍याला, ‘तो़दाङ, खो रीतोङला दुक’ ॱनाना होदुरु थो़न्‍दी माडो। धेनी याङ खुङक्‍याई खेक्‍याला, ‘तो़दाङ, खो खाङबा बुकतु दुक’ ॱनाना यीच्‍चे माझ्‍यी।

मेथा 24:5

घीझ्‍येरी ॱनाना ‘ङा मास्‍यीका हीन’ ॱनेरी, ङी मीङगी थोक्‍ने मी माङा हुङगीलाक धेनी मी माङक्षेला खुङक्‍याई गो कोरकीलाक।

जेपा 21:38

श्‍याक्‍मो तीते एन्‍ला दे ग्‍याजाला ठुक्‍तु च्‍युक्‍ती, होदे मी ङेन्‍पा तोङ श्‍यीला रीतोङदु ठीक्‍ती डोगीन एजेप्‍पागो ख्‍यो़ माले?”

जेपा 5:35

धेनी खी़ होदुरु हो़गीनक्‍याला ॱनेवालाक, “ईस्‍राएल्‍पाक्‍याओ, खेराङक्‍याई खुङक्‍याला घी झ्‍यीना होदेला च्‍याङजे झ्‍यी।

जेपा 8:9

होदे ग्‍याजारु सीमोन ॱनागीन मी च्‍यीक धेतालाक। खी़ एम्‍माने ॱहाला ॱमीक्‍ठुल तो़न्‍दी, सामारीयागी मीक्‍याला ॱहालेरु च्‍युक हो़तालाक। धेनी खो खोराङ मी क्षे च्‍यीक हीन ॱनेरी बोरस्‍ये स्‍येदालाक।

गालातीयापा 2:6

धेनी पो़न्‍पोक्‍या घाजो़ ओजोखा हो़ना, ङाला घीया झ्‍यी़दोक माझ्‍युजुङ घीझ्‍येरी ॱनाना को़न्‍क्षोकगी मीला ॱयेवा टाला मेजेदालाक। होदे पो़न्‍पोक्‍याई ङी स्‍येगीन लाबक्‍या खाला घीया ॱनो़न्‍गा ग्‍याप्‍की मीदुक।

गालातीयापा 6:3

मी च्‍यीकगी राङ घीया मेन्‍दा राङला च्‍यीक हीन ॱनेरी साम्‍ना, खी़ राङ-राङला गोकोर ताङालाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 2:2

मी माङागी खुङक्‍याई दो़क्षाकगी चो़लाम च्‍योक्‍रे झ्‍यीगीलाक धेनी खुङक्‍याई झ्‍येरी, धेन्‍पे लामला ॱमेटा फोक्‍कीलाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

ॱङो़न्‍पा 17:3

धेनी ङा धाम्‍पे थुक्‍ङीगी खारी, होदे नाम्‍खे भाङछेनगी ङाला रीतोङ च्‍यीकला ठीया जेजुङ। धेनी ङी होदुरु गोवा धी़न धाङ राक्‍योक च्‍यु हो़गीन धाङ को़न्‍क्षोकला कुरवा धेप्‍कीन मीङक्‍याई खाङखा सेम्‍चेन ॱमाउ च्‍यीकगी खाला धेता, भोमो च्‍यीकला थोजुङ।

ॱङो़न्‍पा 17:5

धेनी मी़ टाल्‍ले खाला देरे साङवागी दो़न्‍दाक हो़गीन, देरे मीङ ढीक हो़तालाक, “ग्‍याजा क्षे बाबीलोन, साश्‍यीगी श्‍याङचोङमाक्‍या, धाङ आम्‍लोवा दो़नक्‍याई आमा।”