जेपा 4:32 - ॱलोवा

³² धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

जेपा 4:32 Iomraidhean Croise

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

जेपा 1:14

खुङक्‍या घीरी ईजी नुमुक्‍या धाङ येशुगी युम मीरीयाम धाङ खोङबागी नोक्‍यामुला जोम्‍दी, सोवा ग्‍याप्‍ती धे हो़तालाक।

जेपा 2:1

याहुदापाक्‍याई ङीमा ॱङापच्‍युपा धी़छेन ॱलेप्‍कीन ङीमाला, चोवो येशुला धेपा-झ्‍यीगीन मीक्‍या घीरी साजा च्‍यीकला रुप्‍ती, धे हो़तालाक।

जेपा 5:12

धा मीक्‍याई खोक्‍दु ॱमीच्‍यीकी ॱहाङसागीन लेगाक्‍या धाङ ताकक्‍या, कुछापक्‍याने झ्‍युङी हो़तालाक। धेनी धेपा-झ्‍यीगीन घीरी सोलोमोनगी ॱयाक्‍कुरु जोमालाक।

रोमापा 12:5

होराङ माङा हो़गीनक्‍याः मास्‍यीका नाङ, होराङ ली़ च्‍यीक लाक धेनी होराङ घीरी होदेगी येन्‍लाकक्‍या लाक।

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।