जेपा 4:29 - ॱलोवा

²⁹ धा चोवो, खुङक्‍याई जीक्‍टा कुगीनगोला शीया जे। खेराङगी ॱयोक्‍पोक्‍याला खेराङगी का मीज्‍यीया स्‍येयेला स्‍युक ॱनाङरोनाङ।

जेपा 4:29 Iomraidhean Croise

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 26:26

धेनी ग्‍यावु आगारीपाला दे लाबक्‍या घीरी क्षा हो़तालाक धेनी ङा खोङबाला दे लाबक्‍या मीजीया ॱना थुक्‍यी हो़क। खोङबाला दे लाबक्‍या साबा मालाक घीझ्‍येरी ॱनाना दे घीरी शुरला माझ्‍युवालाक।

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

जेपा 4:13

धेनी छोक्‍पागी मीक्‍याई पेटो धाङ योहान्‍ना क्षो़ माढोक्‍टा धाङ मी ॱङ्यामच्‍युङा झ्‍युरीयाः, खुङ ॱङीउ ॱमीच्‍यीकी ॱङीङक्षे झ्‍यीगीनगो थोरी ॱहाङसावालाक। धेनी खुङक्‍याई दे ॱङीउ येशुमुला धेपालाक ॱनेरी ॱहाघोरपालाक।

जेपा 4:21

होदुरु झ्‍युजा लाबगी कोरला, मी घीरीगी को़न्‍क्षोकला तो़टा पुरी धे हो़तालाक। होझ्‍येरी छोक्‍पागी मीक्‍याई खुङ ॱङीउला घाङगी झ्‍येरी क्षेपा काये ॱनेरी, ढो़ झ्‍यी ॱमाथुक्‍पालाक। धेनी खुङ ॱङीउला ॱयोल्‍ले माङा जीक्‍टा ॱलारी भोरपालाक।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 9:27

हीना बारनाबागी खोला कुछापक्‍याई दोङदु ठीक्‍ती होरी, दामासेकोगी लाम्‍गाला खी़ घाङ झ्‍येरी चोवोला ज्‍यारी, चोवोगी खोला का ॱनाङना धाङ दामासेकोरु येशुगी छेनने ॱमीच्‍यी ॱङीङक्षे झ्‍येरी, खी़ स्‍येगीनगो खुङक्‍याला स्‍येपालाक।

जेपा 9:28

होझ्‍येरी साउल खुङक्‍यामुला धेपालाक धेनी येरुसालेमगी साजा घीरीदु मीक्‍या घीरीला, येशुगी छेनला माजीक्‍पा का स्‍येपालाक।

१ कोरीन्‍थुपा 14:13

होझ्‍येरी केरीक श्‍येम्‍माला लाब ताङगीनक्‍याई, होदेगी दो़न्‍दाक टोयेगी नी़पा थोप्‍येला ॱमो़लाम ग्‍याप्‍घो़।

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

फीलीप्‍पीपा 1:14

धेनी ङा चो़न्‍खाङदु छी़गीनगी झ्‍येरी, पी़न माङक्षे चोवोगी नाङ ॱलोतेक्षे धाङ मीजीया ताम्‍शाङ स्‍येयेला, ॱलोगोक क्षे झ्‍युदुक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।