जेपा 4:27 - ॱलोवा

²⁷ “ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

जेपा 4:27 Iomraidhean Croise

मेथा 14:1

होदे घाङला गालीलगी पो़न्‍पो, हेरोदेगी येशुगी ॱङेन्‍डाकगी कोरला ॱहाघोरपालाक।

मेथा 14:3

धा हेरोदेगी खोरी नो फीलीपगी केमी हेरोदीयासगी क्षीला, योहान्‍नाला शीम्‍बालाक धेनी कीक्‍ती चो़न्‍खाङला धाक्‍पालाक।

मेथा 14:6

हीना हेरोदे केवे ङीमोगोला डो़न्‍बोक्‍याई दोङदु, हेरोदीयासगी भोमोगो घार चेरी, हेरोदेला ङ्यामो घारु च्‍युक्‍पालाक।

मेथा 21:28

येशुगी सुवालाक, “खेक्‍याई साम्‍लो देला घारे हेतो? धा मी च्‍यीकला भीजा ॱङी हो़तालाक। धेनी खो भीजा क्षेगो चारु सोरी ॱनेवालाक, ‘भीजो, सोरी धीरीङ घुन्‍डुमगी दुम्‍रादु लेगा झ्‍यीले।’

मेथा 23:37

“के येरुसालेम, येरुसालेम, ख्‍यो़ ॱङो़नस्‍येखेनक्‍याला सेगीन, धाङ ख्‍यी़चारु ताङगीनक्‍याला धोगोङ श्‍युरकीन ख्‍यो़। झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङा ख्‍यी़ टुवाक्‍याला दुयेगी दो़पा झ्‍येवी हीना ख्‍यी़ झ्‍यीदु च्‍युक्‍की मीदुक।

मेथा 27:2

धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

मारकु 10:33

“तो़दाङ, होराङक्‍या धा येरुसालेमला डोवालाक धेनी मी-भु नी क्षो़पो़न क्षेक्‍या धाङ क्षो़ठीमगी ॱलोपो़नक्‍याई, लाक्‍पाला ची ग्‍याप्‍कीलाक धेनी खुङक्‍याई खोला से घो़गीलाक ॱनेरी, ठीम चेदी याहुदापा मेन्‍गीन मीरीकक्‍याई लाक्‍पारु ची ग्‍याप्‍कीलाक।

मारकु 15:31

होझ्‍येरीराङ क्षो़पो़न क्षेक्‍याई क्षो़ठीमगी ॱलोपो़नक्‍यामुला, खोङबाला क्षाले झ्‍येरी च्‍यीकगी च्‍यीकला ॱनेवालाक, “खी़ मी श्‍येम्‍माक्‍याला क्‍योप्‍पालाक हीना राङला क्‍योप ॱमीथुक्‍वालाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 22:63

धेनी येशुला ॱरुङगीन ॱमाक्‍मीक्‍याई खोङबाला ॱमेटा पाप्‍ती दुवालाक।

लुका 23:1

होदे स्‍याम्‍ने छोक्‍मी घीरी लारी, येशुला पीलातुगी दोङदु ठीक्‍पालाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 9:22

खोङबागी सुवालाक, “मी-भुगी दुक्‍पु माङा ङ्याङ घोगुलाक। धेनी गेम्‍पाक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़न घीरीगी, खोला ङो ॱलोक घोगीलाक धेनी से घोगीलाक धेनी श्‍याक्‍मो सुम्‍बागोला खो श्‍याङ घोगीलाक।”

योहान्‍ना 1:11

खोङबा राङगी मीक्‍याचारु फेप्‍पालाक हीना खोङबाराङगी मीक्‍याई खोङबाला खे मालेम्‍बालाक।

योहान्‍ना 10:36

को़न्‍क्षोकगी धाम्‍पा जेदी जीक्‍तेनदु ॱङाक्‍ङा ङी, ‘ङा को़न्‍क्षोकगी से हीन।’ ॱनागीनगोला, खेक्‍या ङाला को़न्‍क्षोकला कुरवा धेबी, ॱनेरी घीझ्‍येरी क्‍यो़न चुक्‍वाले?

योहान्‍ना 18:28

ॱङारोक ॱङात्‍ती खुङक्‍याई येशुला कायाफागी नाङने, चीख्‍यापगी फोडाङदु ठीक्‍पालाक। राङला ॱमेचाङा मेसोवा, पेसाकगी धी़छेन शायेगी क्षीला खुङक्‍या चीख्‍यापगी फोडाङ नाङदु माजुवालाक।

योहान्‍ना 18:29

होझ्‍येरी पीलातु खोराङ खुङक्‍याचारु फीला सोरी ॱनेवालाक, “खेक्‍या मी देला क्‍यो़न घी चुक्‍ये हो़तो?”

योहान्‍ना 19:34

घीहीन्‍ना, ॱमाक्‍मीक्‍याने च्‍यीकगी येशुगी श्‍योकला दुङ चुक्‍पालाक धेनी ठाक धाङ क्षु थेङ च्‍यीक्‍लाराङ थो़न्‍बालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 2:27

घीझ्‍येरी ॱनाना खेराङगी ङी सेम धी़ठोदु बोरकीमालाक, खेराङगी धाम्‍पे मीगी फुङबु रु-रु च्‍युक्‍कीमालाक।

जेपा 4:30

खेराङगी धाम्‍पे श्‍याप्‍ची येशुगी छेनने नेपाक्‍या चो़गा झ्‍यीये धेनी ॱहाङसागीन लेगाक्‍या झ्‍येरी ताकक्‍या तो़न्‍येला स्‍युक ॱनाङरोनाङ।”

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।