जेपा 4:26 - ॱलोवा

²⁶ धेनी जाम्‍बुलीङगी ग्‍यावुक्‍या ॱमाक टाब्‍येला डाढीक झ्‍येदुक, धेनी खुङक्‍याई पो़न्‍पोक्‍या मुला रुप्‍ती, चोवो धाङ खोङगी दाम्‍दा मास्‍यीकागी ग्‍याप्‍केलला ढो़ झ्‍येदुक।’

जेपा 4:26 Iomraidhean Croise

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

ईब्‍रीपा 1:9

खेराङगी ढाङतेनला चेवा जे हो़तालाक धेनी मेढाङाला दाङा जे हो़तालाक। होझ्‍येरी को़न्‍क्षोक, खेराङगी को़न्‍क्षोकगी खेराङला राङगी रोवाक्‍याने ल्‍हाक थोवा जेदी, ॱनुम ढी़री दामा जेदी, घाटो ॱनाङ हो़तालाक।”

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 12:10

धेनी ङी नाम्‍खे श्‍यीङखामदु देरे सुङगीन सुङकेक क्षे घोरजुङ, “धा होरी को़न्‍क्षोकगी थारपा धाङ नी़थु धाङ ग्‍यासी, धेनी खोङबागी मास्‍यीकागी आङजागो फेप्‍दुक। घीझ्‍येरी ॱनाना होरी को़न्‍क्षोकगी डुङदु होरी, पी़नक्‍याला ङीन-छेन क्‍यो़न चुक्‍कीन, होदे क्‍यो़न चुक्‍कीनगोला माला ॱयुक्‍दुक।

ॱङो़न्‍पा 17:17

घीझ्‍येरी ॱनाना को़न्‍क्षोकगी का माडुप्‍कीन थुक्‍पे, खोङबा राङगी क्षास्‍यीगो डुप्‍तु च्‍युक्‍येला, खोङबागी खुङक्‍याला सेम च्‍यीक झ्‍युरी, राङगी ग्‍यावुगी आङजागो होदे सेम्‍चेनला तेरतु च्‍युक्‍पालाक।