जेपा 4:17 - ॱलोवा

¹⁷ हीना दे लाब दे मीमाङक्‍याला ॱमेटाम्‍येगी क्षीदु देने ॱहाला, येशु छेनने मी सी़या मुला लाब ॱमाताङ ॱनेरी देक्‍याला जीक्‍टा कु घोगुलाक।”

जेपा 4:17 Iomraidhean Croise

मेथा 27:64

होझ्‍येरी श्‍याक्‍मो सुम थुक्‍पे, धी़ठो ॱरुङयेला का तेरोझ्‍यी। देरे मीझ्‍यीना खी़ ङेनेक्‍या होरी, खी़ रोगो की़री सोरी मीक्‍याला खो छीवाने सो़न्‍पो लाङदुक ॱनेरी ॱना सीगीलाक। धेनी दे गोकोर दे एम्‍माने ल्‍हाक आ झ्‍युङगीलाक।”

मेथा 9:30

धेनी खुङ ॱङीउगी ॱमीक भेवालाक। धेनी येशुगी खुङ ॱङीउला, “दे लाब दे सुला ॱहामाघोरास्‍योक।” ॱनेरी, खुङ ॱङीउला का स्‍युक्‍क्षे ॱनावालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

जेपा 4:21

होदुरु झ्‍युजा लाबगी कोरला, मी घीरीगी को़न्‍क्षोकला तो़टा पुरी धे हो़तालाक। होझ्‍येरी छोक्‍पागी मीक्‍याई खुङ ॱङीउला घाङगी झ्‍येरी क्षेपा काये ॱनेरी, ढो़ झ्‍यी ॱमाथुक्‍पालाक। धेनी खुङ ॱङीउला ॱयोल्‍ले माङा जीक्‍टा ॱलारी भोरपालाक।

जेपा 5:24

लाब दे घोरती, क्षो़खाङगी घोरेक्‍याई चो धाङ क्षो़पो़न क्षेक्‍या गो थोम्‍बालाक धेनी घी झ्‍युवा हीन्‍ढु ॱनेरी ॱहालेवालाक।

जेपा 5:28

“हेक्‍याई खेक्‍याला येशुगी मीङने क्षो़ ॱमास्‍ये ॱनेरी, का तेरपा माले? हीना खेक्‍याई खेरी क्षो़क्‍या येरुसालेम घीरीला टाम्‍सादुक। धेनी होदे मीगी ठाकगी क्‍यो़नगो हेला चुक्‍ये झ्‍यीदीक।”

एफीसुपा 6:9

दाक्‍पोक्‍याओ, राङगी ढेन्‍योकक्‍याला देरेराङ चो़पा झ्‍यी धेनी नाम्‍खे श्‍यीङखामदु खे ॱङीगाराला ॱयेवा मेजेगीन खे ॱङीगारागी दाक्‍पो श्‍युक हो़तालाक ॱनेरी स्‍येरी, राङगी ढेन्‍योकक्‍याला जीक्‍नाङ ॱमाकु।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।