जेपा 4:1 - ॱलोवा

¹ पेटो धाङ योहान्‍ना मीक्‍यामुला लाब तारी धेदी घाङला, क्षो़पो़नक्‍या धाङ सादुकीपाक्‍या धाङ क्षो़खाङगी घोरेक्‍याई, पो़न्‍पो खुङक्‍याचारु होवालाक।

जेपा 4:1 Iomraidhean Croise

मेथा 16:12

धेनी खोङबागी ग्‍याङगागी क्‍युरचीगी कोरला मेन्‍दा, हीना फारुसीपाक्‍या धाङ सादुकीपाक्‍याई ॱलापच्‍याक्‍याला शाप-शाप झ्‍यी ॱनेरी सुङगीनगो खुङक्‍याई ॱहाघोरपालाक।

मेथा 22:16

धेनी खुङक्‍याई खोरी ङेनेक्‍या, हेरोदेगी मीक्‍यामुला येशुचारु झावालाक। धेनी खुङक्‍याई श्‍यी़वालाक, “गेन्‍ला, हेक्‍याला स्‍येयेहो़क। खेराङ नी, ढाङपो धाङ को़न्‍क्षोकगी लाम ढाङपो तो़न्‍दी। धेनी खेराङ मीगी ङो तेरी क्षाक्‍ले मेजेगीन झ्‍येरी, खेराङ मी श्‍येम्‍मागी साम्‍लोला या मेजेदालाक।

मेथा 27:20

धा क्षो़पो़न क्षेक्‍या धाङ गेम्‍पाक्‍याई, मीमाङक्‍याला बाराब्‍बाला ॱलो़ये धाङ येशुला सेये ॱनेरी, श्‍यी़येला उजुक ग्‍याप्‍पालाक।

मेथा 27:41

होझ्‍येरीराङ क्षो़पो़न क्षेक्‍या धाङ क्षो़ठीमगी ॱलोपो़नक्‍या धाङ गेम्‍पाक्‍याई, खोङबाला देरे ॱनेरी क्षाले ग्‍याप्‍पालाक,

मेथा 3:7

हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

लुका 20:1

ङीमा च्‍यीक, येशु क्षो़खाङदु मीक्‍याला क्षो़ सुङी हो़तालाक धेनी ताम्‍शाङगो स्‍येदी घाङला, क्षो़पो़न क्षेक्‍या धाङ क्षो़ठीमगी ॱलोपो़नक्‍यामुला गेम्‍पाक्‍या खोङबाचारु होरी

लुका 22:4

खो क्षो़पो़न क्षेक्‍या धाङ क्षो़खाङ ॱरुङगीनक्‍याई ॱमाक्‍पो़नचारु सोरी, येशुला खुङक्‍याई लागाला घाङगी झ्‍येरी ची ग्‍याप्‍ये ॱनेरी ढो़ झ्‍येवालाक।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 18:3

धा युदा ॱमाक्‍पुङ च्‍यीक धाङ क्षो़पो़न क्षेक्‍या धाङ फारुसीपाक्‍याई झाजा, क्षो़खाङगी ॱरुङमाक रीङगा ठीक्‍ती लाक्‍पादु डो़न्‍मे धाङ ॱलोकस्‍यु धाङ लाक्‍चाक्‍या, खेरती होदुरु होवालाक।

जेपा 4:6

चो क्षो़पो़न हान्‍नास धाङ कायाफा धाङ योहान्‍ना धाङ आलेक्‍जेन्‍डार धाङ चो क्षो़पो़नगी, मीक्‍जाङक्‍या घीरी होदुरु हो़तालाक।

जेपा 5:17

धेनी चो क्षो़पो़न धाङ खी़मुला हो़गीन सादुकीपा घीरीगी, कुछापक्‍याला ठादोक झ्‍येवालाक।

जेपा 5:24

लाब दे घोरती, क्षो़खाङगी घोरेक्‍याई चो धाङ क्षो़पो़न क्षेक्‍या गो थोम्‍बालाक धेनी घी झ्‍युवा हीन्‍ढु ॱनेरी ॱहालेवालाक।

जेपा 5:26

धेनी ॱमाक्‍मीक्‍यामुला ग्‍यापो़नक्‍या सोरी, खुङक्‍याला घीन्‍दा माझ्‍येवा ठीक्‍ती होवालाक घीझ्‍येरी ॱनाना मीक्‍याई खुङक्‍याला धोगोङ श्‍युरटु ॱनेरी खुङक्‍या जीक्‍पालाक।

जेपा 6:12

देरे झ्‍येरी खुङक्‍याई मीमाङक्‍या धाङ गोठीक्‍या धाङ क्षो़ठीमगी ॱलोपो़नक्‍याला लाब टुक्‍पालाक। धेनी खुङक्‍या सोरी, सेतेफेनला शीम्‍दी, छोक्‍पा क्षेरु ठीक्‍ती होवालाक।

जेपा 6:7

को़न्‍क्षोकगी का छोक घीरीला ख्‍याप्‍पालाक। धेनी चोवो येशुगी ङेनेक्‍या येरुसालेमदु ॱयोल्‍ले माङदु सोवालाक धेनी क्षो़पो़न ॱमीच्‍यीकी माङागीयाः, चोवो येशुला धेपा झ्‍येवालाक।