जेपा 3:6 - ॱलोवा

⁶ पेटोगी खोला ॱनेवालाक, “ङाला सेर धाङ ॱङु नी मेक हीना ङाला घी हो़गीनगो, होदे ङा ख्‍यो़ला तेरयेहीन। नाजारेतगी येशु मास्‍यीकागी छेनने लारी घोबा चुक।”

जेपा 3:6 Iomraidhean Croise

मेथा 10:9

खेरी केराकक्‍याला सेर धाङ ॱङु धाङ शाङगी टाङगाक्‍या ॱमाखेर।

मेथा 7:22

होदे ङीमागोला मी माङागी ङाला, ‘चोवो, चोवो, खेराङगी छेनने हीकी ॱङो़न ॱमास्‍येपे धेनी खेराङगी छेनगी थोक्‍ने धी़क ॱमातो़न्‍बे धेनी खेराङगी छेनगी थोक्‍ने हीकी ॱहाङसागीन लेगा माङा माझ्‍येबे?’ ॱनेरी ॱनागीलाक।

मारकु 14:8

मी़ घी झ्‍यी थुप्‍कीनगो झ्‍येवालाक धेनी ङा धी़ठोदु डोयेगी क्षीला, मी़ ङी शुला ढीस्‍यीम एन्‍दुरु ॱलुक्‍पालाक।

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

योहान्‍ना 19:19

पीलातुगी “नाजारेपा येशु, याहुदापे ग्‍यावु” ॱनेरी, ङेक्‍यो़नगी यीक ढीक्‍ती ग्‍याङस्‍यीङगी गोला ताक्‍पालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 3:16

खेक्‍याई थोङगीन धाङ ङोस्‍येगीन दे मी श्‍याक्‍योवा देला, येशु छेनला धेपा झ्‍येरी स्‍युक जोरपालाक। येशुगी छेन धाङ खोङगी थोक्‍ने झ्‍युङगीन धेपागी झ्‍येरी, खो चो़गा झ्‍युवालाक ॱनेरी खेराङक्‍या घीरीगी थोङालाक।

जेपा 3:5

दे ॱहाघोरती खी़ च्‍यीक रे थोवी हो़टु साम्‍दी तेवालाक।

जेपा 3:7

धेनी खी़ होदे मीला लाक्‍पा ॱयेने शीम्‍दी ॱलावालाक। होदे घाङलाराङ होदे मीगी काङबा धाङ काङबी भो़ल्‍छीकगो ढाक्‍पालाक।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 4:7

खुङक्‍याई पेटो धाङ योहान्‍नाला घुङदु ॱलारी, “सी़ आङजा याङमेना सी़ मीङने खेक्‍या देरे लेगा झ्‍यीदा?” ॱनेरी ढीवालाक।

जेपा 9:34

पेटोगी खोला ॱनेवालाक, “एनीया, येशु मास्‍यीकागी ख्‍यो़ला चो़गा ॱनाङगीलाक। लोङ धेनी ख्‍यो़री तेन तोब।” धेनी लाम्‍साङ खो लाङबालाक।

१ कोरीन्‍थुपा 4:11

दे धी़ थुक्‍पे हेक्‍या फोवा तोक्‍ता धाङ खा कोम्‍गा धेनी घोलाक ॱरुल्‍दुक्‍पा घो़न्‍गा धाङ श्‍येम्‍मागी धुता धाङ राङ खाङबा मेगीन झ्‍युहो़क।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

२ कोरीन्‍थुपा 8:12

घीझ्‍येरी ॱनाना श्‍यान्‍देप पुयेला दो़पा हो़ना, खेक्‍याला मेगीनगोने मेन्‍दा हीना हो़गीनगोने पुगीनगोला को़न्‍क्षोक थुक्‍ङेउ जेगीलाक।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।