जेपा 3:20 - ॱलोवा

²⁰ खेराङक्‍याई क्षीला दाम्‍दा थारपा ॱनाङगीन मास्‍यीकाला, को़न्‍क्षोकगी झाङा जेगीलाक। खोङबागो येशुराङ लाक।

जेपा 3:20 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 24:3

येशु क्‍युरुस्‍यीङगी रीला श्‍युक्‍ती, खोङबागी ङेनेक्‍या खोङबाचारु शुरला च्‍यारती श्‍यी़वालाक, “दे घीरी नाम झ्‍युङगीले धेनी खेराङ फेप्‍कीन धाङ थामे धी़गी ताकगो घी झ्‍युङगीलाक ॱनेरी, हेक्‍याला सुङाजे?”

मारकु 13:26

धेनी मी-भु ॱरीङगी खोकला ॱमीच्‍यीकी क्षे वाङ धाङ शीजेला फेप्‍कीनगो थोङगीलाक।

लुका 19:11

धा मीक्‍याई दे ङेन्‍दी घाङला, येशुगी खुङक्‍याला पे च्‍यीक सुवालाक घीझ्‍येरी ॱनाना खोङबा येरुसालेमगी ङ्येरु हो़तालाक धेनी मीक्‍याई को़न्‍क्षोकगी ग्‍यासी उक्‍कुरा च्‍यीकला ॱङो़न्‍टु साम्‍बालाक।

लुका 21:27

धेनी खुङक्‍याई ॱरीङगी खाला मी-भु, वाङ धाङ शीजेक्षेगी थोक्‍ने फेप्‍कीनगो ज्‍यागीलाक।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

२ थेसालोनीकेपा 2:2

चोवोगी ङीमा ॱलेप्‍दुक ॱनेरी ॱनागीन ॱङो़नस्‍ये धाङ ताम धाङ हीकी स्‍योकने हीन्‍ढु ॱनेरी, यीक रे हुङना, लेल्‍हामोमाला खेक्‍याई सेम ठुक्‍ती माजीक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।