जेपा 3:17 - ॱलोवा

¹⁷ “ङी रोवाक्‍याओ, ङाला क्षाहो़क, खेराङ धाङ खेराङक्‍याई पो़न्‍पोक्‍याई राङ घी झ्‍यीगीनगो ॱहामाघोरा, येशुला सेपालाक।

जेपा 3:17 Iomraidhean Croise

लुका 23:13

धेनी पीलातुगी क्षो़पो़न क्षेक्‍या धाङ पो़न्‍पोक्‍या धाङ मीमाङक्‍याला भो़री,

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 7:52

खुङक्‍याई खोला ॱनेवालाक, “ख्‍यो़याः गालीलपा हीने? सुङरापला चारी तो़, गालीलने ॱङो़नस्‍येखेन सुवा मीझ्‍युङगीलाक।” [

जेपा 13:27

हीना येरुसालेमदु धेगीनक्‍या धाङ खुङक्‍याई पो़न्‍पोक्‍याई येशुला क्‍याम्‍गो़नगो लाक ॱनेरी ङो ॱमास्‍येवालाक। ॱङो़नस्‍येखेनक्‍याई क्षो़ठीमला ढीक्‍टा लाब धाम्‍पे ङासुगीन ङीमाला च्‍योई ढोक्‍कीन झ्‍येरीया, खुङक्‍याई ॱहामाघोरपालाक। येशुला सेये छेपा तेरती खुङक्‍याई क्षो़ठीमला, खोङबागी कोरला ढीक्‍टा लाबगो डुप्‍पालाक।

जेपा 22:5

ङी ॱनागीन दे लाबक्‍या धेन्‍पा लाक ॱनेरी, चो क्षो़पो़न धाङ छोक्‍दी़गी गोठीक्‍याः पाङपो लाक। खोङबाक्‍याईराङ ङाला दामासेकोरु हो़गीन, याहुदापा पी़नक्‍याई मीङला यीक कुरपालाक धेनी होदे यीक देला चोवो येशुला धेपा-झ्‍यीगीनक्‍याला शीम्‍येगी आङजा, ङाला ॱनाङ हो़तालाक। होझ्‍येरी होदेक्‍याला येरुसालेमदु ठीक्‍ती क्षेपा कायेला, ङा दामासेकोरु सोवी।”

जेपा 26:9

“ङीया थेङमा च्‍यीक नाजारेतगी येशुगी छेनला, झ्‍यी थुक्‍तु ग्‍याप्‍केल झ्‍यीयेहीन ॱनेरी साम्‍लो तावी।

जेपा 28:21

खुङक्‍याई ॱनेवालाक, “हेला ख्‍यी़ कोरला युदेयाने यीक ॱमालेप्‍सुङ। दुरु हुङगीन पी़न सी़या, ख्‍यी़ कोरला तामङेन स्‍येगीन माझ्‍युङ।

जेपा 7:40

धेनी खुङक्‍याई आरोनला ॱनेवालाक, ‘होराङला लाम ठीक्‍कीन ल्‍हाक्‍या शोरोनाङ घीझ्‍येरी ॱनाना मोशेगी होराङला एजेपने ठीक्‍ती होवालाक हीना धान्‍दा खोला घी झ्‍युवाले ॱनेरी, होराङ सुला क्षा मीदुक।’

रोमापा 11:2

को़न्‍क्षोकगी एम्‍माने खेन्‍दा जेजा, राङगी मीक्‍याला पाङा माजे हो़तालाक। सुङरापला एलीयागी कोरला देरे सुङगीनगो, खेक्‍याला स्‍येये मेताले? खोङगी ईस्‍राएलगी कोरला, को़न्‍क्षोकमुला दुकेक ग्‍याप्‍ती देरे श्‍यी़वालाक,

१ कोरीन्‍थुपा 2:8

दे धी़रापगी वाङ झ्‍यीगीनक्‍या सी़याः दे स्‍येराप दे ॱहामाघोवालाक। खुङक्‍याई ॱहाघो हो़ना, शीजेगी चोवोला खुङक्‍याई ग्‍याङस्‍यीङदु क्‍याङये मेक।

२ कोरीन्‍थुपा 3:14

हीना खुङक्‍याई सेम ग्‍योङा झ्‍युवालाक घीझ्‍येरी ॱनाना धीरीङ ङीमा थुक्‍पे, खुङक्‍या धाम्‍चा ॱङीङबागो ढोक्‍वाराङ, होदे रेगो काप्‍ती धेतालाक। घीझ्‍येरी ॱनाना मास्‍यीकागी थोक्‍ने च्‍यीगा होदे स्‍यु थुक्‍वालाक।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

फीलीप्‍पीपा 1:22

धा ङा ली़ला सो़न्‍पो धेये हीन्‍ना, होदे ङी क्षीदु दोक्‍पो हो़गीन काल्‍ले झ्‍युङगीलाक। घीहीन्‍ना ङा घी दाम घोयेगो ङी ॱमेस्‍येहो़क।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।