जेपा 3:16 - ॱलोवा

¹⁶ खेक्‍याई थोङगीन धाङ ङोस्‍येगीन दे मी श्‍याक्‍योवा देला, येशु छेनला धेपा झ्‍येरी स्‍युक जोरपालाक। येशुगी छेन धाङ खोङगी थोक्‍ने झ्‍युङगीन धेपागी झ्‍येरी, खो चो़गा झ्‍युवालाक ॱनेरी खेराङक्‍या घीरीगी थोङालाक।

जेपा 3:16 Iomraidhean Croise

मेथा 14:29

खोङबागी सुवालाक, “स्‍योक।” धा पेटो डु नाङने थो़न्‍दी, क्षुखाला घोम्‍बा ग्‍याप्‍ती येशु डुङदु सोवालाक।

मेथा 9:22

येशु ग्‍याप लोक्‍ती मोला शीक्‍पालाक धेनी सुवालाक, “भोमो, सेम ल्‍हो़ झ्‍यी, खेरी धेपागी ख्‍यो़ला फेन्‍बालाक।” धेनी होदे घाङलाराङ होदे केमीगो ढाक्‍पालाक।

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

योहान्‍ना 7:23

मोशेगी क्षो़ठीम ॱरुङयेगी क्षीला ङासुगीन ङीमाला, मी च्‍यीकगी पाउ चेगीन ॱरोगो ॱरुङ थुप्‍ना, ङीयाः ङासुगीन ङीमाला मी च्‍यीकगी ली़ घाङजाङ सो़जुङ ॱनेरी, खेक्‍या घीझ्‍येरी ङीमुला ठो़लाले?

जेपा 14:9

पाउलु लाब ताङी घाङला खो घामोमा श्‍यीप्‍ता झ्‍येरी, ङेन्‍दी धे हो़तालाक। पाउलुगीयाः खी़ ङोरोङला घामोमा तेरी, होदे मीला खोराङ ढाक थुक्‍येगी धेपा हो़गीनगो थोवालाक।

जेपा 16:18

धेनी मी़ देरे ङीमा माङा झ्‍येवालाक। हीना पाउलुगी मी़ देरे फेरा ग्‍याप्‍कीनगो थेदा ॱमास्‍येवा, होदे ॱनो़पाला ॱनेवालाक, “चोवो येशु मास्‍यीकागी छेनला ख्‍यो़ दे भोमोगी नाङने थो़न्‍दी स्‍योक।” धेनी खी़ देरे ॱनालुङ मेताला, होदे ॱनो़पागो थो़न्‍दी होवालाक।

जेपा 3:6

पेटोगी खोला ॱनेवालाक, “ङाला सेर धाङ ॱङु नी मेक हीना ङाला घी हो़गीनगो, होदे ङा ख्‍यो़ला तेरयेहीन। नाजारेतगी येशु मास्‍यीकागी छेनने लारी घोबा चुक।”

जेपा 3:8

धेनी खो लाम्‍साङ फाक्‍ती लारी घोबा चुक्‍पालाक। धेनी खो घोबा चुक्‍ती धेनी छोङदा ग्‍यावी, को़न्‍क्षोकला तो़टा ताङी खुङक्‍यामुला क्षो़खाङ नाङदु सोवालाक।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 4:30

खेराङगी धाम्‍पे श्‍याप्‍ची येशुगी छेनने नेपाक्‍या चो़गा झ्‍यीये धेनी ॱहाङसागीन लेगाक्‍या झ्‍येरी ताकक्‍या तो़न्‍येला स्‍युक ॱनाङरोनाङ।”

जेपा 4:7

खुङक्‍याई पेटो धाङ योहान्‍नाला घुङदु ॱलारी, “सी़ आङजा याङमेना सी़ मीङने खेक्‍या देरे लेगा झ्‍यीदा?” ॱनेरी ढीवालाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।