जेपा 3:14 - ॱलोवा

¹⁴ खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

जेपा 3:14 Iomraidhean Croise

मेथा 27:20

धा क्षो़पो़न क्षेक्‍या धाङ गेम्‍पाक्‍याई, मीमाङक्‍याला बाराब्‍बाला ॱलो़ये धाङ येशुला सेये ॱनेरी, श्‍यी़येला उजुक ग्‍याप्‍पालाक।

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

मारकु 15:11

हीना क्षो़पो़न क्षेक्‍याई येशुला मेन्‍दा, बाराब्‍बाला ॱलो़ तोङ ॱनो़ ॱनेरी मीक्‍याला टुक्‍पालाक।

मारकु 15:7

चो़न्‍खाङदु हो़गीन गेन्‍लोक झ्‍यीगीनक्‍याने, मी सेसा बाराब्‍बा ॱनागीन गेन्‍लोक झ्‍यीगीन मी च्‍यीया हो़तालाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 23:25

धेनी खुङक्‍याई श्‍युगीन ठुक ॱलारी धाङ मी सेदी, चो़न्‍खाङदु छी़छा मीगोला पीलातुगी तो़न्‍बालाक हीना येशुला खुङक्‍याई थेगीनगो झ्‍यीयेला खुङक्‍याला ची ग्‍याप्‍पालाक।

योहान्‍ना 16:10

धेनी ढाङतेनगी कोरला ॱनाना, खेक्‍याई ङाला याङ नामा ॱमेथोङगीन, यापगी डुङदु ङा डोयेहीन।

योहान्‍ना 18:40

हीना खुङक्‍याई धाब्‍ले फेरा ग्‍याप्‍ती ॱनेवालाक, “मी देला मालाक हीना बाराब्‍बाला ॱलो़ ताङरो ॱनाङ।” धा बाराब्‍बा नी झ्‍याक्‍पा च्‍यीक लाक।

जेपा 13:28

होदेक्‍याई येशुला सेये खुङ ॱमाङेबालाक हीना खुङक्‍याई येशुला से घोगीलाक ॱनेरी, पीलातुला श्‍योवा पुवालाक।

जेपा 2:27

घीझ्‍येरी ॱनाना खेराङगी ङी सेम धी़ठोदु बोरकीमालाक, खेराङगी धाम्‍पे मीगी फुङबु रु-रु च्‍युक्‍कीमालाक।

जेपा 22:14

धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

जेपा 5:28

“हेक्‍याई खेक्‍याला येशुगी मीङने क्षो़ ॱमास्‍ये ॱनेरी, का तेरपा माले? हीना खेक्‍याई खेरी क्षो़क्‍या येरुसालेम घीरीला टाम्‍सादुक। धेनी होदे मीगी ठाकगी क्‍यो़नगो हेला चुक्‍ये झ्‍यीदीक।”

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

याकोब 5:6

खाप्‍टा झ्‍यी ॱमीथुप्‍कीन मी ढाङपो च्‍यीकला, खीकी क्‍यो़न चुक्‍ती सेपालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।