जेपा 3:13 - ॱलोवा

¹³ देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 3:13 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 20:19

धेनी खोला याहुदापा मेन्‍गीन मीरीकक्‍याई लागला क्षाले ग्‍याप्‍ये धाङ ताजाक श्‍युरये धाङ ग्‍याङस्‍यीङला क्‍याङयेगी क्षीला, ची ग्‍याप्‍कीलाक। हीना ङीमा सुम्‍बागोला खो सो़न्‍पो श्‍याङगीलाक।”

मेथा 22:32

‘ङा नी आब्‍राहामगी को़न्‍क्षोक, ईसाकगी को़न्‍क्षोक धाङ याकोबगी को़न्‍क्षोक हीन।’ खोङबा स्‍यीम्‍बुगी को़न्‍क्षोक मेन्‍दा सो़न्‍पोगी को़न्‍क्षोक लाक।”

मेथा 27:2

धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मारकु 15:11

हीना क्षो़पो़न क्षेक्‍याई येशुला मेन्‍दा, बाराब्‍बाला ॱलो़ तोङ ॱनो़ ॱनेरी मीक्‍याला टुक्‍पालाक।

लुका 22:57

हीना पेटोगी देरे ॱनेवालाक, “भोमो, ङा खोङला ङो ॱमेस्‍येहो़क।”

लुका 23:4

धेनी पीलातुगी क्षो़पो़न क्षेक्‍या धाङ मीछोकक्‍याला ॱनेवालाक, “ङी मी देला क्‍यो़न चुक घोये दो़न घीया ॱमेथोङा।”

लुका 6:37

“श्‍येम्‍मागी ठीम ॱमाचे धेनी ख्‍यो़ला ठीम चेगीमालाक। श्‍येम्‍माला क्‍यो़न ॱमाचुक धेनी ख्‍यो़ला क्‍यो़न चुक्‍कीमालाक। श्‍येम्‍माला घोयाङ तेर धेनी ख्‍यो़ला घोयाङ ॱनाङगीलाक।

योहान्‍ना 12:16

खोङबागी ङेनेक्‍याई दी दो़न एन्‍ला ॱहामाघोरपालाक हीना येशु शीजेला फायी घाङला, दी लाब दे खोङबागी कोरला ढीक्‍टा धाङ श्‍येनगी खोङबाला घी झ्‍येजागो ढेन सो़वालाक।

योहान्‍ना 18:40

हीना खुङक्‍याई धाब्‍ले फेरा ग्‍याप्‍ती ॱनेवालाक, “मी देला मालाक हीना बाराब्‍बाला ॱलो़ ताङरो ॱनाङ।” धा बाराब्‍बा नी झ्‍याक्‍पा च्‍यीक लाक।

योहान्‍ना 19:11

येशुगी खोला कालेन ॱनावालाक, “तो़ने ॱमानाङगीन थुक्‍पे, ङी थोकला खेराङला आङजा घीया मेतालाक। होझ्‍येरी खेराङगी लाकला ङाला ची ग्‍याप्‍कीनगोला, देले ल्‍हाक धीक्‍पा क्षे फोक्‍कीलाक।”

योहान्‍ना 19:12

दे घोरती पीलातुगी खोङबाला ॱलो़ ताङये थापस्‍यी झ्‍येवालाक। हीना याहुदापा पो़न्‍पोक्‍याई देरे ॱनेरी फेरा ग्‍याप्‍पालाक, “खेराङगी दे मी देला ॱलो़ ताङना, खेराङ केसारगी ढोक्‍पो मेन। राङला ग्‍यावु चीगीन घीरीगी, केसारला ङोग्‍येल झ्‍यीदालाक।”

योहान्‍ना 19:15

धेनी खुङक्‍याई “खोला ॱहाला ठीक, ॱहाला ठीक। खोला ग्‍याङस्‍यीङला क्‍योङ!” ॱनेरी फेरा ग्‍याप्‍पालाक। पीलातुगी खुङक्‍याला ॱनेवालाक, “खेक्‍याई ग्‍यावुला ङा ग्‍याङस्‍यीङ खाला क्‍याङये?” क्षो़पो़न क्षेक्‍याई लेन ग्‍याप्‍पालाक, “केसार माना हेक्‍याला ग्‍यावु श्‍येम्‍मा मेक।”

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 22:14

धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

जेपा 24:14

हीना देक्‍याई क्षो़लुक ॱनेरी ताक्‍कीन लाम दे, ङी धाङबी फामागी को़न्‍क्षोकला ङा क्षाक्‍क्षो़पा पुलाहीन ॱनेरी, ङी खेलेन्‍दी हो़क। धेनी मोशेगी क्षो़ठीमला ढीक्‍टा धाङ ॱङो़नस्‍येखेनक्‍याई धेपक्‍याला ढीक्‍टाक्‍याला ङा चीलीहो़क।

जेपा 3:12

होदे मीक्‍याला थोरी पेटोगी ॱनेवालाक, “खे ईस्‍राएल्‍पाक्‍याओ, खेराङक्‍या घीझ्‍येरी दे लाबला ॱहाङसारी हेला तेरी धेदाले? हेक्‍याई दे मी देला हेरी नी़थु धाङ क्षो़सेमगी घोबा चुक्‍कीन शो़वालाक ॱनेरी, खेक्‍या साम्‍यी हेती?

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

जेपा 4:30

खेराङगी धाम्‍पे श्‍याप्‍ची येशुगी छेनने नेपाक्‍या चो़गा झ्‍यीये धेनी ॱहाङसागीन लेगाक्‍या झ्‍येरी ताकक्‍या तो़न्‍येला स्‍युक ॱनाङरोनाङ।”

जेपा 7:32

‘ङा ख्‍यी़ धाङबी फामा आब्‍राहाम धाङ ईसाक धाङ याकोबगी को़न्‍क्षोक हीन।’ होदे घोरती मोशे जीक्‍ती दारपालाक धेनी होदे स्‍योकला ताः ॱमाथुक्‍पालाक।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।