जेपा 28:8 - ॱलोवा

⁸ पुपलीहुगी आकी छावा धाङ ठाकस्‍यालगी नेरी, ङ्याजारु हो़तालाक। पाउलु खी़ ङ्याजारु सोरी ॱमो़लाम ग्‍याप्‍ती लाक्‍पा श्‍याक्‍ती, खोला चो़गा झ्‍येवालाक।

जेपा 28:8 Iomraidhean Croise

मेथा 10:1

येशुगी ङेने च्‍युङङीला राङचारु भो़री, खुङक्‍याला ॱनो़पाक्‍या तो़न्‍ये धाङ नाजा धाङ ॱनेको़न घीरी सेयेगी आङजा ॱनावालाक।

मेथा 10:8

नेपाक्‍याला चो़गा झ्‍यी, स्‍यीम्‍बुक्‍याला ॱलोङ, जेनेक्‍याला चाङमा शो़, डेक्‍या तो़न। खेक्‍याला स्‍यी़दी़ला जोरपालाक धेनी श्‍येम्‍मालाः स्‍यी़दी़ला तेर।

मेथा 12:13

धेनी खोङबागी मी देला सुवालाक, “ख्‍यी़ लाक्‍पा क्‍योङ।” धेनी होदे मीगी़ लाक्‍पा क्‍यावालाक धेनी होदे लाक्‍पा श्‍येम्‍मागो च्‍योक्‍रे थाङा झ्‍युवालाक।

मेथा 9:18

खोङबागी खुङक्‍याला होदे लाबक्‍या सुङी घाङला, याहुदापे पो़न्‍पो च्‍यीक होरी, खोङगी दोङदु पी़मु चुक्‍ती श्‍यी़वालाक, “ङी भोमो धान्‍दाका स्‍यीजुङ हीना खेराङ फेप्‍ती, खेराङगी क्षाक मी़ खाला श्‍याजे धेनी मो सो़न्‍गीलाक।”

मारकु 16:18

धेनी खुङक्‍याई डुलक्‍या लाक्‍पागी शीम्‍गीलाक धेनी ॱरोक चेगीन दुकक्‍या थुङनाः, खुङला ॱनो़ ॱमेकागीलाक धेनी खुङक्‍याई लाक्‍पा नेपाक्‍या खाला श्‍याक्‍ना, होदेक्‍या ढाक्‍कीलाक।”

मारकु 5:23

धेनी ॱङीङ थाक्‍पाने श्‍योवा पुरी ॱनेवालाक, “ङी भोमो च्‍युङागो स्‍यीगु झ्‍यीदी। खोङबा फेप्‍ती, मो ढाक्‍ये धाङ सो़न्‍पो धेयेला, खोङबागी क्षाक मी़ खाला श्‍याजे।”

मारकु 6:5

येशुगी नेपा तीते च्‍यीकला क्षाक श्‍याक्‍ती, चो़गा जेपालाक। होदे माना खोङबागी श्‍येम्‍मा ॱहालेगीन क्षाक्‍ले जे ॱमाथुक्‍पालाक।

मारकु 7:32

होदुरु मीक्‍याई आमच्‍योक मेघोरकीन धाङ लाब ताङ ॱमीथुप्‍कीन मी घोवा च्‍यीकला खेरती होरी, खोङबागी क्षाक जेदी चो़गा जेरोनाङ ॱनेरी येशुला श्‍यी़वालाक।

लुका 13:13

धेनी खोङबागी क्षाक मी़ खाला श्‍याक जेपालाक धेनी मो लाम्‍साङ केरी लाङ थुप्‍कीन झ्‍युवालाक। धेनी मी़ को़न्‍क्षोकगी तो़टा तावालाक।

लुका 4:40

धेनी ङीमा फेप्‍ती, मीक्‍याई नाजा ॱना श्‍येम्‍मा-श्‍येम्‍मागी नेपाक्‍या येशुचारु खेरती होवालाक। धेनी खोङबागी होदे घीरीगी खाला क्षाक श्‍याक जेदी, ढाक्‍सो़ जेपालाक।

जेपा 28:7

होदे साजा डामदु होदे ॱलीङठेनगी पो़न्‍पो पुपलीहुगी सा हो़तालाक। खी़ हेक्‍याला ॱङीङजे झ्‍येरी खोरी नाङदु भो़री, श्‍याक्‍मो सुम थुक्‍पे डो़न कासोङ।

जेपा 28:9

देरे झ्‍युरी होदे ॱलीङठेनगी मी नेपा श्‍येम्‍माक्‍याः होवालाक धेनी चो़गा झ्‍युवालाक।

जेपा 9:40

पेटोगी खुङ घीरीला फीला तो़न्‍दी, पीमु चुक्‍ती सोवा ग्‍याप्‍पालाक। धेनी फुङबु स्‍योकला तेरी ॱनेवालाक, “ताबीथा लोङ।” धेनी मी़ ॱमीक तेवालाक धेनी पेटोला थोरी मो लावालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 12:9

श्‍येम्‍माक्‍याला दे थुक्‍ङीगी गोनेराङ धेपा झ्‍यीये धेनी श्‍येम्‍माक्‍याला दे थुक्‍ङी च्‍यीक्‍पागीराङ, नेपा सोयेगी ॱनाङज्‍यीनक्‍या