जेपा 27:24 - ॱलोवा

²⁴ ङाला सुजुङ, ‘पाउलु माजीक। ख्‍यो़ रोमापा ग्‍यावुगी दोङदु ठीम श्‍युरु च्‍यार राङ घोगीलाक धेनी को़न्‍क्षोकगी थुक्‍जे ख्‍यो़मुला झ्‍येरी, ख्‍यो़मुला हो़गीन घीरी थारकीलाक।’

जेपा 27:24 Iomraidhean Croise

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

योहान्‍ना 11:9

येशुगी सुवालाक, “ङीनला छुजी च्‍युङङी मेयोङाले? ङीङमो घोबा ग्‍याप्‍कीनक्‍या थोक्‍ती, गोती मेलोक्‍कीलाक घीझ्‍येरी ॱनाना खुङक्‍याई जीक्‍तेनगी हो़ थोवालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 25:11

ङी लेगा ङेन्‍पा झ्‍येहो़ना धेनी से घोगीन छेपा फोक्‍कीन लेगा झ्‍येहो़ना, ङा स्‍यीयेला डाढीक हो़क। हीना याहुदापाक्‍याई ङी खाला चुक्‍कीन क्‍यो़नगो धेन्‍पा मेना, ङाला खुङक्‍याई लागाला सी़याः ची ग्‍याप्‍ये मेतालाक। ङा दे लाब दे रोमापा ग्‍यावुगी डुङदु श्‍योवा पुयेहीन।”

जेपा 27:31

हीना पाउलुगी ग्‍यापो़न धाङ ॱमाक्‍मीक्‍याला ॱनेवालाक, “डुपाक्‍या डुशीङ नाङदु मेधेना खे घीरी स्‍यीगीलाक।”

जेपा 27:37

डुशीङ नाङदु मी दोम्‍दी, ङीग्‍या धी़न्‍चु धो़टुक हो़तालाक।

जेपा 27:42

ॱमाक्‍मीक्‍याई चो़न्‍पा सुवाः क्‍या ग्‍याप्‍ती डो़री माडोवास्‍योक ॱनेरी, घीरीला सेयेला ढो़ झ्‍येवालाक।

जेपा 27:44

धेनी श्‍येम्‍माक्‍या पाङलेप धाङ डुशीङ छाक्‍दुमक्‍याला शीम्‍दी सोङ ॱनेवालाक। देरे झ्‍येरी घीरी सा काम्‍बोरु घामोमा ॱलेप्‍पालाक।

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

फीलेमोन 1:22

खेक्‍यागी ॱमो़लामगी झ्‍येरी, ङा खेक्‍याचारु हुङयेगी रेवा श्‍याक्‍ती, ङी क्षीला डो़न्‍खाङ च्‍यीक डाढीक झ्‍यी।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

ॱङो़न्‍पा 1:17

ङी खोङबाला ज्‍याली घाङला, ङा खोङबागी श्‍याप डुङदु मी स्‍यीस्‍या च्‍योक्‍रे ग्‍येवी। हीना खोङबागी राङगी क्षाक ॱये, ङी खाला श्‍या जेदी सुवालाक, “ख्‍यो़ माजीक। ङा नी थोक्‍मा धाङ थामागो हीन।