जेपा 27:21 - ॱलोवा

²¹ मी सी़या श्‍याक्‍मो ॱमीच्‍यीकी माङा थुक्‍पे घीन्‍दा माशे हो़तालाक। धेनी पाउलु खुङक्‍या खोक्‍दु लारी ॱनेवालाक, “खेक्‍याई एन्‍लाराङ ङी खाला ङेन्‍दी केरेटदुराङ धेहो़ना, धान्‍दा दे क्‍यो़न धाङ ग्‍योङ घीरी ङ्याङ घोये मेतालाक।

जेपा 27:21 Iomraidhean Croise

जेपा 27:12

धेनी होदे डुखाङ तेन्‍पोला घुङगा धे थुक्‍ये मेगीन झ्‍युरी, माङक्षेगी होदेने फोनीक्‍स ग्‍याजाला डोना घागुलाक ॱनेरी साम्‍लो तावालाक। होदे ग्‍याजा दे ल्‍हो-नुप धाङ झाङ-नुप स्‍योकला, खा लोक्‍ला केरेटगी डुखाङ च्‍यीक लाक।

जेपा 27:13

ल्‍हो स्‍योकने ॱलुङबु ज्‍याम्‍बो ग्‍याई घाङला, डुपाक्‍याई धा खोराङक्‍या डो थुक्‍ये दुक साम्‍दी खुङक्‍याई तीङधोगो तो़न्‍दी, केरेटगी डामने सोवालाक।

जेपा 27:20

ङीमा ॱमीच्‍यीकी माङा थुक्‍पे हीकी ङीमा धाङ कारमा ॱमाथोजुङ धेनी ॱलुङछुपगो फुक्‍की ॱमाछोक्‍जुङ। धेनी थाःला हेक्‍या थारटु ॱनागीन रेवागोवा तोरजुङ।

जेपा 27:7

श्‍याक्‍मो घाजीङने हेक्‍या घाली-घाली डु तावालाक धेनी ॱमीच्‍यीकी काल्‍ले झ्‍येरी केनेदुरु ॱलेप्‍जुङ। धेनी होदुरु याङ ॱलुङबु ग्‍याप्‍ती, हेक्‍याला होदेने ॱहाला डोरु ॱमाच्‍युक्‍जुङ। होझ्‍येरी ॱलुङबुने थारयेला, हेक्‍या केरेट ॱलीङठेनगी डामने झ्‍युरी, सालमोनेगी थाकोरने कोरती सोवी।