जेपा 27:1 - ॱलोवा

¹ हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 27:1 Iomraidhean Croise

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

लुका 23:47

धा ग्‍यापो़नगी दे थोरी, को़न्‍क्षोकला तो़टा तारी ॱनेवालाक, “ॱङोन्‍नेराङ दे मी दे क्‍यो़न मेगीन हीन्‍दाराक।”

लुका 7:2

होदुरु ग्‍यापो़न च्‍यीकला ॱयोक्‍पो ढीन्‍चेन च्‍यीक हो़तालाक। धेनी खो नेपा झ्‍युरी, स्‍यीगु झ्‍यीदी हो़तालाक।

जेपा 10:1

केसारयारु कोरनेलीहु ॱनागीन मी च्‍यीक हो़तालाक। खो ईटालीपा ॱमाक्‍छोकगी ग्‍यापो़न च्‍यीक लाक।

जेपा 10:22

खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 16:10

पाउलुगी होदेरे थोङनाङ थोरी, हेक्‍या उक्‍कुरा माकेडोनीया स्‍योकला डोये डाढीक झ्‍युवी। घीझ्‍येरी ॱनाना होदे साजागी मीक्‍याला चोवोगी ताम्‍शाङ स्‍येयेला, को़न्‍क्षोकगीराङ भो़ जेपालाक ॱनागीन लाब, हेक्‍याला क्षा झ्‍युजुङ।

जेपा 18:2

होदुरु खी़ आकुला ॱनागीन, याहुदापा च्‍यीकला थुक्‍पालाक। आकुलागो पोनतुर साजाला केवालाक धेनी खोरी केमी पीरीस्‍कीलामुला, ईटालीने होरी माङा मेडोवालाक घीझ्‍येरी ॱनाना रोमापा ग्‍यावु कालोदेहुगी, याहुदापा घीरीला रोम ग्‍याखापने थो़न्‍दी डोयेला का ॱनावालाक। धेनी पाउलु खुङक्‍याला थुक्‍तु सोवालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 21:32

धेनी खो उक्‍कुरा ॱमाक्‍मीक्‍या धाङ ग्‍यापो़नक्‍या ठीक्‍ती भाङ तारी मीक्‍याचारु सोवालाक। खुङक्‍या हुङगीन थोरी मीक्‍याई पाउलुला श्‍युरयेगो भोरपालाक।

जेपा 22:26

धेनी ग्‍यापो़नगी दे घोरती खो ॱमाक्‍पो़नचारु सोरी ॱनेवालाक, “खेराङगी घी झ्‍यीये झ्‍यीदा? होदे मी नी रोमापा दुक।”

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 23:17

धेनी पाउलुगी ग्‍यापो़न च्‍यीकला केक तारी ॱनेवालाक, “दे ख्‍योक्‍तोङला ॱमाक्‍पो़नचारु ठीक्‍ती सोङ। खो ॱमाक्‍पो़नला लाब च्‍यीक स्‍येये हो़तालाक।”

जेपा 24:23

दे ॱनेसारती फेलीकगी ग्‍यापो़नला, पाउलुला चो़न्‍खाङ नाङदु दोक हीना खोला राङवाङ तीते तेर धेनी खी़ रोवाक्‍याई खोला घो़गीन चालाकक्‍या खेरती हुङना, खुङक्‍याला ॱमाकाक ॱनेरी का ॱनावालाक।

जेपा 25:12

धेनी फेस्‍तुगी खोरी ढो़पो़नक्‍यामुला ढो़ झ्‍येरी पाउलुला ॱनेवालाक, “ख्‍यी़ रोमापा ग्‍यावुगी डुङदु राङ श्‍योवा पुरी, ख्‍यो़ रोमापा ग्‍यावु चारुराङ डोगीलाक।”

जेपा 25:25

हीना दे मीला सेयेगी छेपा राक्‍कीन लेगा ङेन्‍पा झ्‍येजा, ङी घीन्‍दा ॱमाथोजुङ। धेनी खो खोराङगी रोमापा ग्‍यावुचारु ठीम श्‍युये ॱनेरी, ङाला श्‍योवा पुरी, ङी खोला रोमदु झाङये ढो़ झ्‍येवी।

जेपा 27:11

हीना ग्‍यापो़नगी पाउलुला ल्‍हाक डुशीङ ताङगीन मी धाङ दाक्‍पोगी लाबला ङेन्‍बालाक।

जेपा 27:43

हीना ग्‍यापो़नगी पाउलुला क्‍योप्‍येगी दो़पा झ्‍येरी, ॱमाक्‍मीक्‍याई ढो़गो खी़ डुप्‍तु ॱमाच्‍युक्‍पालाक। धेनी खी़ क्‍या ग्‍याप थुप्‍कीनक्‍याला क्षुला क्षोरी, एन्‍ला सा काम्‍बोला सोङ ॱनेरी का ॱनावालाक।

जेपा 27:6

होदुरु ग्‍यापो़न युलीयुगी आलेक्‍जेन्‍डीया ग्‍याजागी डुशीङ च्‍यीक ईटाली स्‍योकला डुगीन थुक्‍ती, हेक्‍याला होदे डु नाङदु च्‍युक्‍जुङ।

जेपा 28:1

सा काम्‍बोरु घामोमा ॱलेप्‍ती, होदे ॱलीङठेनगो माल्‍ता ॱनालाक ॱनेरी हीकी स्‍येजुङ।

जेपा 28:16

हेक्‍या रोमदु ॱलेप्‍ती पाउलुला ॱमाक्‍मी ॱरुङगीन च्‍यीक श्‍याक्‍ती, खोराङ च्‍यीगा धेदु च्‍युक्‍पालाक।

ईब्‍रीपा 13:24

खेक्‍याई गोठी घीरी धाङ धाम्‍पे मी घीरीला छाम्‍डी श्‍यी़। ईटाली युने हुङगीनक्‍याई खेक्‍याला छाम्‍डी श्‍यी़क।