जेपा 26:3 - ॱलोवा

³ घीझ्‍येरी ॱनाना खेराङ याहुदापा क्षो़लुक धाङ ॱङ्योक्‍टागी कोरला ॱमीच्‍यीकी खेवा हो़तालाक ॱनेरी, ङाला क्षाहो़क। धा, ङी लाबला शो़पा घोम्‍दी सेन्‍रोनाङ।

जेपा 26:3 Iomraidhean Croise

जेपा 21:21

धा, ‘मोशेगी क्षो़ठीमला ची घोगीमालाक धेनी टुवाक्‍याई पाउ चेगीन ॱरो झ्‍यी घोगीमालाक धेनी याहुदापागी ॱरोला ची घोगीमालाक’ ॱनेरी खेराङगी याहुदापा मेन्‍गीन मीक्‍या खोक्‍दु धेगीन याहुदापा घीरीला ॱलावी ॱनेरी खुङक्‍याई ॱहाघोरदुक।

जेपा 24:10

धेनी पो़न्‍पो फेलीकगी पाउलुला लाब ताङयेला लाक्‍ता झ्‍येवालाक धेनी पाउलुगी देरे ॱनेवालाक, “लो माङाने, खेराङ दे ग्‍याखापगी ठीम्‍पो़न झ्‍युङगीनगो ङाला क्षाहो़क। होझ्‍येरी खेराङगी दोङदु ङा ङारी स्‍योकगी लाब श्‍याक्‍येला, ॱमीच्‍यीकी ङ्यामो घा हो़क।

जेपा 24:4

हीना ङा खेराङगी धी़चो़ माङा मेलेन्‍दा, हीकी लाब ङेन्‍येला श्‍युवा पुलाहीन।

जेपा 25:26

हीना खी़ कोरला ढीक्‍ती ग्‍यावुला कुरये, ङाला घीया मेक। होझ्‍येरी ङी खोला खेराङक्‍या दोङदु धाङ ॱङोन्‍ने झ्‍यीना ग्‍यावु आगारीपा खेराङगी दोङदु ठीक्‍ती हुङये थेवी। धेनी खेराङगी खोला ढीवा कु झ्‍यीना, ङाला ढीक्‍येगी छीक रे राई हेटु ॱनेरी ङाला रेवा हो़क।

जेपा 26:2

“ग्‍यावु आगारीपा, याहुदापाक्‍याई ङी खाला काका क्‍यो़न घीरीगी क्षीला, ङी लाब खेराङगी दोङदु श्‍याक्‍तु च्‍युक्‍ती, ङा ङाराङला ॱमीच्‍यीकी सोदे क्षे चीलीहो़क।

जेपा 26:26

धेनी ग्‍यावु आगारीपाला दे लाबक्‍या घीरी क्षा हो़तालाक धेनी ङा खोङबाला दे लाबक्‍या मीजीया ॱना थुक्‍यी हो़क। खोङबाला दे लाबक्‍या साबा मालाक घीझ्‍येरी ॱनाना दे घीरी शुरला माझ्‍युवालाक।

जेपा 26:7

होदे धाम्‍चा राक्‍येगी रेवा झ्‍येरी, होरी मीरीक च्‍युङङीक्‍याई ङीन-छेन को़न्‍क्षोकला क्षाक्‍क्षो़पा पुरी धेपालाक। ग्‍यावु आगारीपा, होदे रेवा देगी झ्‍येरी याहुदापाक्‍याई ङाला क्‍यो़न तो़न्‍दालाक।

जेपा 28:17

श्‍याक्‍मो सुमगी स्‍याम्‍ला पाउलुगी याहुदापा गोठीक्‍याला भो़री, जोम्‍दु च्‍युक्‍पालाक। धेनी खी़ खुङक्‍याला ॱनेवालाक, “पी़नक्‍याओ, ङी होरी मीक्‍या धाङ होरी धाङबी फामे लुक्‍सो़ला ग्‍याप ॱलोक्‍ये लेगा घीन्‍दा माझ्‍येवालाः, ङाला येरुसालेमगी चो़न्‍खाङदु धाक्‍ती धेनी रोमापाक्‍याई लाक्‍पाला ची ग्‍याप्‍सुङ।

जेपा 6:14

घीझ्‍येरी ॱनाना खी़ हो ॱनागीन हीकी घोरजुङ, ‘नाजारेतगी येशुगी दे क्षो़खाङ मेताला ताङगीलाक धेनी मोशेगी ॱनाङना लुक्‍सो़क्‍यालाः ज्‍येगीलाक।’”

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।