जेपा 26:29 - ॱलोवा

²⁹ पाउलुगी ॱनेवालाक, “ग्‍योवा हीन्‍ना धाला हीन्‍ना, दे च्‍याकक्‍या च्‍यीगा माना, श्‍येम्‍मा खेराङ धाङ धीरीङ दुरु ङाला ङेन्‍गीन घीरी ङा च्‍योक्‍रे हुङवास्‍योक ॱनेरी, ङा को़न्‍क्षोकला ॱमो़लाम ग्‍यावाहीन।”

जेपा 26:29 Iomraidhean Croise

योहान्‍ना 5:34

ङी क्षीला मीगी पाङपो घोये मेक हीना खेक्‍याला थारपा थोप्‍येगी क्षीला ङा देक्‍या ॱनाहीन।

जेपा 12:6

हेरोदेगी पेटोला मीमाङक्‍याई दोङला ठीक्‍ती हुङये ॱनागीन छेन एम्‍मागोला, पेटो च्‍याक्‍ता ॱङीगी दाम्‍दी, ॱमाक्‍मी ॱङीगी घुङदु ङ्यारी धे हो़तालाक। श्‍येम्‍मा ॱमाक्‍मी ॱङीउ चो़न्‍खाङगी घो ॱरुरी धे हो़तालाक।

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 25:14

खुङक्‍या केसारयारु ङीमा माङा धेदी घाङला, फेस्‍तुगी ग्‍यावुमुला पाउलुगी कोरला दे लाब स्‍येपालाक, “फेलीकगी भोरती श्‍याकश्‍या चो़न्‍पा मी च्‍यीक दुरु दुक।

रोमापा 10:1

पी़नक्‍याओ, ङी सेमगी दो़पा धाङ ईस्‍राएल्‍पाक्‍याई क्षीदु, ङी को़न्‍क्षोकला ॱमो़लाम पुगीनगो नी, खुङक्‍याला थारपा थोबास्‍योक ॱनेरी लाक।

१ कोरीन्‍थुपा 4:8

खेक्‍याला घो़गीन घीरी थोप्‍साले? खेक्‍या धा क्षुक्‍पु झ्‍युसाले? हेक्‍या मेना, खेक्‍या ग्‍यावु झ्‍युसाले? खेक्‍या ॱङोन्‍ने ग्‍यावु झ्‍युहो़ना ढीक्‍येहो़क धेनी हेक्‍याला खीकीमुला वाङ झ्‍यीये राक हो़टु।

१ कोरीन्‍थुपा 7:7

मी घीरी ङा च्‍योक्‍रे हो़गीनगो ङा दो़दीहो़क। हीना को़न्‍क्षोकने मी घीरीला राङगी ॱनाङज्‍यीन थोप हो़तालाक। च्‍यीकला ॱना च्‍यीक धेनी श्‍येम्‍माला ॱना श्‍येम्‍मा।

२ कोरीन्‍थुपा 11:1

ङी च्‍यीमे च्‍यीक ॱलेन्‍दा झ्‍यीगीनगोला, खेक्‍या शो़पा गोम्‍ना ढीक्‍येदुक। शो़पा घोम्‍रो झ्‍यी ॱनेरी, ङा श्‍युवाहीन।

एफीसुपा 6:20

ताम्‍शाङ देगी दो़न्‍दु च्‍याक्‍डोकगी धाम्‍दी श्‍याकश्‍या, ङा कुछाप च्‍यीक हीन धेनी ङी स्‍ये घो़गीन ताम्‍शाङगो ॱङीङक्षे झ्‍येरी स्‍ये थुप्‍पास्‍योक ॱनेरी, ॱमो़लाम श्‍यी़।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।