जेपा 26:28 - ॱलोवा

²⁸ धेनी आगारीपागी ॱनेवालाक, “देरे धी़चो़ तीमेला ख्‍यो़ ङाला मास्‍यीकावा शोये साम्‍यी हो़ते?”

जेपा 26:28 Iomraidhean Croise

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

मारकु 6:20

घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

जेपा 26:27

ग्‍यावु आगारीपा, खेराङ ॱङो़नस्‍येखेनक्‍याला धेपा जेदी हो़ते? ङाला क्षाहो़क, खेराङ धेपा झ्‍यीदालाक।”

जेपा 26:29

पाउलुगी ॱनेवालाक, “ग्‍योवा हीन्‍ना धाला हीन्‍ना, दे च्‍याकक्‍या च्‍यीगा माना, श्‍येम्‍मा खेराङ धाङ धीरीङ दुरु ङाला ङेन्‍गीन घीरी ङा च्‍योक्‍रे हुङवास्‍योक ॱनेरी, ङा को़न्‍क्षोकला ॱमो़लाम ग्‍यावाहीन।”

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।