जेपा 26:20 - ॱलोवा

²⁰ होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 26:20 Iomraidhean Croise

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 3:8

धीक्‍पा पारी सेम ग्‍युरवाला थी़न्‍गीन ढेबु के।

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मेथा 9:13

सोङ धेनी ‘ङा क्षो़पाला मेन्‍दा, ॱङीङजे घाई हो़क।’ ॱनागीनगी दो़न्‍दाकगो ॱहाघोरा झ्‍यी, घीझ्‍येरी ॱनाना ङा ढाङतेनक्‍याला मेन्‍दा, धीक्‍चेनक्‍याला भो़रु होवाहीन।”

मारकु 6:12

धेनी खुङक्‍या होदेने सोरी मीक्‍याला धीक्‍पा पारी, सेम ग्‍युर घो़गीलाक ॱनेरी क्षो़ ॱलाप्‍पालाक।

लुका 1:16

धेनी खी़ ईस्‍राएल्‍पा माङपोला, खुङक्‍याई चोवो को़न्‍क्षोक चारु ॱलोक्‍ती ठीक्‍ती हुङगीलाक।

लुका 13:3

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 15:7

ङा खेक्‍याला ॱनाहीन देरे झ्‍येरीराङ धीक्‍पा पारी सेमग्‍युर मेघोगीन, मी ढाङपो घुपच्‍यु घोरगुक्‍याने ल्‍हाक, धीक्‍पा पारी सेम ग्‍युरकीन मी धीक्‍चेन च्‍यीकगी क्षीला, नाम्‍खे श्‍यीङखामदु माङा ङ्यामो घा झ्‍युङगीलाक।”

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 15:19

धेनी याकोबगी याङ ॱनेवालाक, “होझ्‍येरी को़न्‍क्षोक चारु लोक्‍कीन याहुदापा मेन्‍गीन मीक्‍याला, होराङ दुक्‍पु तेरये मेतालाक, ॱनेरी ङी साम्‍लो हो़क। घीहीन्‍ना धा होराङ खुङक्‍याला

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 26:17

ङा ख्‍यो़ला याहुदापाक्‍या धाङ याहुदापा मेन्‍गीन मीरीकगी मीक्‍याने क्‍योप्‍येहीन। ङा ख्‍यो़ला याहुदापा मेन्‍गीन मीरीकक्‍या चारु झाङाहीन।

जेपा 26:19

“ग्‍यावु आगारीपा, नाम्‍खे श्‍यीङखामने थोथा दे थोङनाङला, ङी खा लोक्‍ती धेक ॱमाथुक्‍जुङ।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

जेपा 9:35

लुडा धाङ स्‍यारोनदु धेगीन मी घीरीगी, खोला थोरी चोवो स्‍योकला सेम ग्‍युरपालाक।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

२ कोरीन्‍थुपा 3:16

हीना चोवो स्‍योकला सेम ग्‍युरकीनक्‍याई, सेम काप्‍कागो स्‍युवा जेगीलाक।

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

१ थेसालोनीकेपा 1:9

घीझ्‍येरी ॱनाना खेक्‍याई हेक्‍याला फेप श्‍यी़गीन धाङ कुन्‍डाक्‍याला भोरती, खेक्‍या सो़न्‍पो धाङ धेन्‍पा, को़न्‍क्षोकला ॱङीङकुर श्‍यी़येला हुङगीन धाङ

ॱङो़न्‍पा 16:11

धेनी खोराङक्‍याई शुक धाङ ॱमागी झ्‍येरी, नाम्‍खे श्‍यीङखामगी को़न्‍क्षोकला कुरवा धेप्‍पालाक हीना राङगी झ्‍येजा लेङेनक्‍या पारी सेम ग्‍युरवा ॱमातावालाक।

ॱङो़न्‍पा 2:21

ङी मोला राङगी धीक्‍पा पारी सेम ग्‍युरयेला, धी़चो़ तेरपालाक हीना मो मोरी लोक्‍येमगो पाङयेगी दो़पा मीझ्‍यीदा।

ॱङो़न्‍पा 2:5

होझ्‍येरी ख्‍यो़ घाने ॱहाला माला ल्‍हीम्‍गीनगो, ख्‍यो़ घामोमा साम्‍लो तोङ धेनी राङगी धीक्‍पा पारी सेम ग्‍युरवा तोङ। धेनी एम्‍मा ख्‍यी़ घी झ्‍यीगीनगोराङ झ्‍यी। ख्‍यी़ देरे झ्‍येरी राङगी सेम ग्‍युरवा ॱमेताङना, ङा ख्‍यो़चारु हुङाहीन धेनी ख्‍यी़ क्‍युङगोला होदेगी घोक्‍जाने तो़न्‍येहीन।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।