जेपा 26:18 - ॱलोवा

¹⁸ ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 26:18 Iomraidhean Croise

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मेथा 4:16

मी़नाक्‍पाला धेता मीक्‍याई हो़ क्षे च्‍यीक थोदुक, धेनी छीवे ढीम्‍जाकगी युला धेगीन मीक्‍याला, हो़ च्‍यीक स्‍यारदुक।”

लुका 1:79

धेनी मी़नाक्‍पा धाङ स्‍यीवे ढीम्‍जाकला धेगीनक्‍याला थारवे हो़क थोप्‍कीलाक, धेनी होराङला श्‍यीदेगी लामला ठीक्‍कीलाक।”

लुका 2:32

खोङ नी याहुदापा मेन्‍गीनक्‍याई क्षीला खेराङगी थुकोङ ॱङो़न्‍ये धाङ, खेराङगी मीरीक ईस्‍राएल्‍पाक्‍याई क्षीदु शीजे झ्‍युङये हो़गो लाक।”

लुका 24:45

धेनी को़न्‍क्षोकगी कागो ॱहाघोरास्‍योक ॱनेरी, येशुगी खुङक्‍याई स्‍येराप सावा जेपालाक।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

योहान्‍ना 17:17

धेन्‍पागी थोक्‍ने खुङक्‍याला धाम्‍पा जे, खेराङगी का धेन्‍पा हीन।

योहान्‍ना 3:19

धा ठीम्‍चो़गी दो़न्‍दाकगो देराङ लाक; हो़गो जीक्‍तेनदु फेप्‍सालाक हीना मीक्‍याई ले ङेन्‍पागी झ्‍येरी खुङक्‍याई हो़ले मी़नाकला घावालाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

योहान्‍ना 9:39

येशुगी सुवालाक, “दे जीक्‍तेनदु ङा ठीम चेदु होवाहीन। श्‍याराक्‍याई थोङये धाङ थोङ थुयी साम्‍गीनक्‍याला श्‍यारा शोयेला, ङा होवाहीन।”

योहान्‍ना 9:5

ङा जीक्‍तेनदु हो़गीन थुक्‍पे, ङा जीक्‍तेनगी हो़ हीन।”

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 13:47

घीझ्‍येरी ॱनाना चोवोगी हेला ‘जाम्‍बुलीङगी था थुक्‍पे मीक्‍याई थारपा थोप्‍पास्‍योक ॱनेरी, ङी खेक्‍याला याहुदापा मेन्‍गीन मीरीकक्‍याई खोक्‍दु हो़क झ्‍युङयेला को़वाहीन।’ सुरी देरे का ॱनावालाक।”

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

जेपा 26:19

“ग्‍यावु आगारीपा, नाम्‍खे श्‍यीङखामने थोथा दे थोङनाङला, ङी खा लोक्‍ती धेक ॱमाथुक्‍जुङ।

जेपा 26:23

मास्‍यीकागी दुक्‍पु ङ्याङ घोगीलाक धेनी छीवाने याङ सो़न्‍पो लाङगीन, गोमा मी झ्‍युङगीलाक धेनी खोङबागी याहुदापाक्‍या धाङ याहुदापा मेन्‍गीन मीरीकक्‍या खाला हो़क टाम्‍गीलाक ॱनागीन, दे लाबक्‍या ङी ॱलाप हो़क।”

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

२ कोरीन्‍थुपा 6:14

धेपा मीझ्‍यीगीनक्‍यामुला ॱङ्यास्‍यीङ ॱमाखुर। घीझ्‍येरी ॱनाना ढाङाक्‍याई मुला मेढाङाक्‍याई, ढेवा घी हो़तालाक से? याङना मी़नाकमुला हो़गी ढेवा घी हो़तालाक से?

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:2

ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

एफीसुपा 1:14

धेनी को़न्‍क्षोकगी राङगी मीक्‍याला थारपा ॱमानाङगीन थुक्‍पे, धाम्‍पे थुक्‍ङी नी होराङला थोप घोये हीन्‍गीन ग्‍युज्‍यीनगी गेलेनगो लाक। दे नी, को़न्‍क्षोकगी शीजेगी तो़पा हुङयेगी क्षीदु लाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

एफीसुपा 5:11

फेन्‍थोक मेगीन मी़नाकगी लेगाक्‍याला माडे, हीना होदेरे लेगाक्‍या हो़ला तो़न।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

२ तीमोथेउ 2:26

धेनी धी़कगी दो़पा झ्‍यीयेला, धी़कगी वाङ होकदु स्‍योरस्‍याक्‍या राङगी रीक्‍पा शीम्‍दी, धी़कगी ॱङीप नाङने थारकीलाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 10:14

ॱमारछो़ च्‍यीकगी गोने धाम्‍पा जेये हीन्‍गीनक्‍याला, धी़ तेनगी क्षीदु फी़न्‍सुम छोक्‍पा जे हो़तालाक।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

१ पेटो 2:25

घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।

१ योहान्‍ना 2:12

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना येशुगी छेनगी थोक्‍ने, खीकी धीक्‍पाक्‍या सेल हो़तालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

ॱङो़न्‍पा 21:27

लुक्‍टुगी छेसोकगी धेप नाङला मीङ ढीक्‍टाक्‍या माना, श्‍येम्‍मा ॱमेचाङा धाङ आम्‍लोवा लेगा झ्‍यीगीन धाङ शोक स्‍येगीन सुवा, होदे ग्‍याजा नाङदु मीजुगीलाक।