जेपा 26:16 - ॱलोवा

¹⁶ धा लोङ, ङा ख्‍यो़ला ङी श्‍यापच्‍यीपा धाङ ङी पाङपो तेरकीन, मी शोयेला दुरु होवाहीन। ख्‍यो़ ङी कोरला धान्‍दा थोथा धाङ माउपारला थोङगीन लाबक्‍या घीरीला स्‍येघोगीलाक।

जेपा 26:16 Iomraidhean Croise

लुका 1:2

दे लेगा घीरी गोमाने थोथा, मीक्‍या धाङ कागी श्‍याप्‍तोक्‍पा हीन्‍गीन, मीक्‍याने हीकी ॱहाघोगीन च्‍योक्‍रे होदेक्‍याई ढीक्‍दुक।

जेपा 1:17

होराङक्‍या च्‍योक्‍रे चोवोगी कुछाप च्‍युङङीने च्‍यीक लाक। धेनी होराङ च्‍योक्‍रे, चोवोगी लेगा झ्‍यीयेला खोवाः दाम हो़तालाक।”

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 21:19

धेनी पाउलुगी खुङक्‍याला घासु श्‍युरी, खुङक्‍याला याहुदापा मेन्‍गीन मीरीकक्‍याई घुङदु ताम्‍शाङ स्‍येली घाङला, को़न्‍क्षोकगी जेजा लेगाक्‍याई कोरला घीरी स्‍येबालाक।

जेपा 22:10

ङी ॱनेवी, ‘चोवो, धा ङा घी झ्‍यीये?’ धेनी चोवोगी ङाला सुजुङ, ‘लारी दामासेकोरु सोङ धेनी ख्‍यी़ घी झ्‍यीघोगीन लेगाक्‍याई कोरला, ख्‍यो़ला होदुरुराङ ॱनागीलाक।’

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 26:15

‘चोवो खेराङ सु हीनो?’ ॱनेरी ङी ढीवी। धेनी चोवोगी सुजुङ, ‘ङा ख्‍यी़ दुक्‍पु ताङगीन येशु हीन।

जेपा 6:4

धेनी हेक्‍या हेरी धी़चो़ घीरी ॱमो़लाम ग्‍याप्‍ये धाङ को़न्‍क्षोकगी का स्‍येयेला तेरयेहीन।”

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

२ कोरीन्‍थुपा 4:1

होझ्‍येरी को़न्‍क्षोकगी ॱङीङजेगी गोने, हेक्‍याला दे श्‍याप्‍ची दे थोप्‍ती हेक्‍या सेमस्‍युक ॱमेक्षाक।

२ कोरीन्‍थुपा 5:18

दे घीरी को़न्‍क्षोकने झ्‍युवालाक। धेनी खोङबागी होराङला मास्‍यीकागी थोक्‍ने, राङमुला दुमा जेपालाक धेनी थी़न्‍ढीलगी श्‍याप्‍तोक ॱनावालाक।

गालातीयापा 1:12

घीझ्‍येरी ॱनाना ङाला दे मी सुनेः जोरपा मालाक धेनी सी़या ॱलाप्‍पा मालाक हीना येशु मास्‍यीकाला ॱङो़न्‍सुम ज्‍यारी, खोङबाने ङाला दे थोप्‍सुङ।

गालातीयापा 2:2

को़न्‍क्षोकगी ङाला तो़न्‍दा जेदी, ङा होदुरु सोवी। धेनी ङी झ्‍येजा धाङ झ्‍यीगीन लेगाक्‍या दो़न मेगीन माझ्‍युङास्‍योक ॱनेरी, ङा होदुरु हो़ती घाङला, ङी याहुदापा मेन्‍गीन मीरीकक्‍यामुला स्‍येगीन ताम्‍शाङगी़ कोरला, क्षो़छोकगी गोठीक्‍याला शुरला थुक्‍ती स्‍येवी।

एफीसुपा 3:3

को़न्‍क्षोकगी साङवा दे ङाला साल्‍तो़नगी थोक्‍ने, ॱङो़न्‍दु जेपालाक धेनी दी कोरला ङी एन्‍ला, खेक्‍याला दोरधी़ला ढीक हो़तालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:25

खेक्‍याई क्षीदु ङाला को़न्‍क्षोकगी ॱनाङगीन लेगेनला तेन्‍ती, खोङगी का छाङबो झ्‍येरी स्‍येयेला, ङा क्षो़छोकगी श्‍याप्‍तोक्‍पा च्‍यीक झ्‍युहो़क।

कोलोसेपा 1:7

दी कोरला, हीकी चेवे लेरोक एपाब्‍राने खीकी ज्‍यावालाक। खो हीकी छापला मास्‍यीकागी श्‍याप्‍तोक्‍पा, ॱलो काथुप्‍कीन च्‍यीक लाक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।