जेपा 26:10 - ॱलोवा

¹⁰ धेनी ङी येरुसालेमला देरे झ्‍यीये झ्‍येवी। ङी क्षो़पो़न क्षेक्‍याई आङजा जोरती, धाम्‍पे मी ॱमीच्‍यीकी माङाला चो़न्‍खाङदु दाक्‍पी धेनी होदेक्‍याला सेये झ्‍यीदाराङ, ङीया ङोलेन झ्‍येवी।

जेपा 26:10 Iomraidhean Croise

जेपा 7:58

धेनी खुङक्‍याई खोला ढी़दी ग्‍याजा फीला तो़न्‍दी धोगोङ श्‍युरपालाक। धेनी पाङपोक्‍याई खोरी घोलाकक्‍या साउल ॱनागीन, ख्‍योक्‍तोङ च्‍यीकगी काङबारु श्‍याक्‍पालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

जेपा 8:3

हीना साउलगी क्षो़छोक मेताला ताङयेला, नाङ-नाङला सोरी भीजा धाङ भोमो घीरीला ढी़दी सोरी आटा नाङदु दाक्‍तु च्‍युक्‍पालाक।

जेपा 9:21

धेनी खोला ङेन्‍गीन घीरी ॱमीच्‍यीकी ॱहालेरी देरे ॱनेवालाक, “दे मी नी येरुसालेमदु येशुगी छेन भो़गीनक्‍याला मेताला ताङगीनगो माले? धेनी खुङक्‍याला शीम्‍दी क्षो़पो़न क्षेक्‍या चारु ठीक्‍ती डोयेला, खो दुरु होवा माले?”

जेपा 9:26

साउल येरुसालेमदु ॱलेप्‍ती, ङेनेक्‍याला थुक्‍ये थापस्‍यी झ्‍येवालाक। हीना खोवाः ङेने झ्‍युदुक ॱनेरी बा माधेवा, खुङक्‍या घीरी खोला जीक्‍पालाक।

जेपा 9:32

पेटो ॱहाला-छुला साजा घीरीरु ढु ग्‍याप्‍पालाक धेनी लुडा ग्‍याजारु, हो़गीन धाम्‍पे मीक्‍या थुक्‍तु होवालाक।

जेपा 9:41

धेनी पेटोगी खोरी लाक्‍पा तेरती, मो टोङी लाङयेला रोवा झ्‍येवालाक। खी़ श्‍येम्‍मा धाम्‍पे मीक्‍या धाङ युक्‍जामाक्‍याला भो़री मो सो़न्‍पो तो़न्‍बालाक।

१ कोरीन्‍थुपा 15:9

घीझ्‍येरी ॱनाना कुछापक्‍या घीरीने, ङा ॱमास्‍योकगो हीन धेनी ङा कुछाप ॱनेरी मीङ श्‍येरीन खाये मेक घीझ्‍येरी ॱनाना ङी को़न्‍क्षोकगी क्षो़छोकला दुक्‍पु तावी।

गालातीयापा 1:13

एम्‍मा ङा याहुदापा क्षो़लुक चीली घाङला, ङी को़न्‍क्षोकगी क्षो़छोकला ॱमीच्‍यीकी जीक्‍टाक्षे दुक्‍पु तेरकीन धाङ होदेला मेताला ताङयेला थापस्‍यी झ्‍यीगीनगो, खेक्‍याई घोर हो़तालाक।

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

ॱङो़न्‍पा 17:6

धेनी होदे भोमोगी़ येशुला, धेन्‍पाङ झ्‍यीगीन धाम्‍पे मीक्‍याई ठाक थुरी शीगीनगो, ङी थोजुङ। होदेला थोरी ङा ॱमीच्‍यीकी ॱहाङसाजुङ।