जेपा 25:6 - ॱलोवा

⁶ फेस्‍तु येरुसालेमदु ङीमा ग्‍याच्‍यु चो़ धेदी, केसारयाला लोक्‍पालाक। धेनी ॱङेटोराङ खी़ ठीम्‍चो़गी ठीला धेदी, पाउलुला खेरती हुङये का ॱनावालाक।

जेपा 25:6 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

योहान्‍ना 19:13

पीलातुगी दे घोरती येशुला फीला ठीक्‍ती होवालाक धेनी खो “धोचेल” ॱनागीन ठीम्‍चो़गी ठीला धेपालाक। (ईब्‍रीपा केकला “गाब्‍बाथा” ॱनालाक।)

जेपा 25:1

ङीमा सुम स्‍याम्‍ने, फेस्‍तु केसारयागी लुङबादु ॱलेप्‍ती होदेने येरुसालेमला सोवालाक।

जेपा 25:10

हीना पाउलुगी ॱनेवालाक, “ङा रोमापा ग्‍यावुगी ठीम्‍खाङगी दोङदु लारी धेहो़क। दुरुराङ ङी ठीमगो चे घोगीलाक। धेनी ङी याहुदापाक्‍याई ग्‍यापला लेगा आ घीन्‍दा माझ्‍ये हो़तालाक ॱनेरी, खोङबाराङलाः क्षा हो़तालाक।

जेपा 25:17

धेनी खुङक्‍या दुरु ॱलेप्‍ती, ङी धाला माझ्‍येवा ॱङेटोगो राङ, पाउलुला ठीम चेजारु ठीक्‍ती हुङये का तेरपी।

जेपा 25:4

हीना फेस्‍तुगी खुङक्‍याला देरे लेन तेरपालाक, “पाउलुला केसारयारुराङ धाक्‍ती श्‍याक हो़तालाक धेनी ङाः ग्‍योक्‍जे होदुरु डोयेहीन।

जेपा 25:5

खेक्‍याने पो़न्‍पो रीङगा ङामुला डोङी दो़ना डो। धेनी पाउलुगी लेगा नोन्‍डु झ्‍येहो़ना, होदेगी होदुरुराङ क्‍यो़न चुक थुक्‍कीलाक।”

जेपा 8:40

स्‍याम्‍ला फीलीपगी खोराङला आजोतोरु ग्‍याजारु थोवालाक। धेनी खो केसारयारु ॱमालेप्‍कीन थुक्‍पे, ग्‍याजा ॱलेप्‍सा घीरीला ताम्‍शाङ स्‍येदी-स्‍येदी सोवालाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

याकोब 2:6

हीना खेक्‍याई उटेक्‍याला थोङछुङ झ्‍येदुक। खेक्‍याला ॱनो़ क्‍यागीनगो, क्षुक्‍पुक्‍याराङ माले? धेनी खेक्‍याला ठीम्‍खाङदु ठीक्‍ती, डुगीनगोवा खुङक्‍याराङ माले?