जेपा 24:27 - ॱलोवा

²⁷ लो ङी छासारती फेलीकगी छापला पोरकीहु फेस्‍तु होवालाक। धेनी फेलीकगी याहुदापाक्‍याला ङ्यामो घारु च्‍युक्‍येला, पाउलुला चो़न्‍खाङ नाङदुराङ श्‍याक्‍पालाक।

जेपा 24:27 Iomraidhean Croise

मारकु 15:15

धेनी पीलातुगी मीछोकगी दो़पा काङयेला, बाराब्‍बाला ॱलो़ तावालाक धेनी येशुला ताजाक श्‍युरतु च्‍युक्‍ती, ग्‍याङस्‍यीङ खाला सेयेला रोमापा ॱमाक्‍मीक्‍याई लागाला ची ग्‍याप्‍पालाक।

जेपा 12:3

याहुदापा मीक्‍या होदेला ङ्यामो घागीनगो थोरी, खी़ पेटोलाः शीम्‍दु च्‍युक्‍पालाक। होदे घाङला क्‍युरची मेगीन ग्‍याङगा शागीन धी़छेनगो लाक।

जेपा 23:35

धेनी पो़न्‍पोगी ॱनेवालाक, “ख्‍यो़ला क्‍यो़न चुक्‍कीनक्‍या दुरु ॱलेप्‍ना धेनी ङा ख्‍यी़ खाम्‍जु तायेहीन।” होदे स्‍याम्‍ने पो़न्‍पोगी पाउलुला हेरोदेगी फोडाङदु, खोला ॱरुङगीन श्‍याक्‍ती श्‍योक ॱनेरी का ॱनावालाक।

जेपा 25:1

ङीमा सुम स्‍याम्‍ने, फेस्‍तु केसारयागी लुङबादु ॱलेप्‍ती होदेने येरुसालेमला सोवालाक।

जेपा 25:14

खुङक्‍या केसारयारु ङीमा माङा धेदी घाङला, फेस्‍तुगी ग्‍यावुमुला पाउलुगी कोरला दे लाब स्‍येपालाक, “फेलीकगी भोरती श्‍याकश्‍या चो़न्‍पा मी च्‍यीक दुरु दुक।

जेपा 25:4

हीना फेस्‍तुगी खुङक्‍याला देरे लेन तेरपालाक, “पाउलुला केसारयारुराङ धाक्‍ती श्‍याक हो़तालाक धेनी ङाः ग्‍योक्‍जे होदुरु डोयेहीन।

जेपा 25:9

हीना याहुदापाक्‍याला ङ्यामो घारु च्‍युक्‍येला फेस्‍तुगी पाउलुला ॱनेवालाक, “ख्‍यो़ येरुसालेमदु सोरी दे लाबगी कोरला ठीम होदुरुराङ, ङी दोङला चेयेला दो़दी हो़ते?”

जेपा 26:32

धेनी आगारीपागी फेस्‍तुला ॱनेवालाक, “दे मी देगी रोमापा ग्‍यावुचारु ठीम माश्‍यु हो़ना, खोला फीला तो़न्‍ना ढीक्‍ये हो़तालाक।”

जेपा 28:30

लो ॱङी थुक्‍पे पाउलु रोमदु खाङबा ॱयारती धेदी, सु थुक्‍तु हुङना घीरीला फेप्‍सु झ्‍येरी धेपालाक।

गालातीयापा 1:10

धा ङा मीक्‍याने ङोलेन चालीओ याङमेना को़न्‍क्षोकने चालीओ? याङ ङा मीक्‍याला घारु च्‍युक्‍येगी थापस्‍यी झ्‍यीदे? ङी धान्‍दा थुक्‍पे, मीक्‍याला घारु च्‍युक्‍ये थापस्‍यी झ्‍येहो़ना, ङा मास्‍यीकागी श्‍याप्‍ची हुङये मेक।