जेपा 24:25 - ॱलोवा

²⁵ हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

जेपा 24:25 Iomraidhean Croise

मेथा 22:5

हीना खुङक्‍याई या माझ्‍येवालाक। धेनी रीङगा खोरी श्‍यीङला धेनी रीङगा खोरी छोङला सोवालाक।

योहान्‍ना 16:8

धेनी खोङबा फेई घाङला, खोङगी जीक्‍तेनगी मीक्‍याला धीक्‍पा धाङ ढाङतेन धाङ ठीम्‍चो़गी कोरला, खुङक्‍याई सामस्‍यीगी क्‍यो़नगो तो़न्‍दा जेगीलाक।

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 17:2

च्‍योई च्‍योक्‍रे पाउलु होदे छोक्‍खाङदुवा सोवालाक। धेनी धी़न्‍डा सुमगी ङासुगीन ङीमा सुम्‍गाराला, खी़ सुङरापला तो़न्‍दी खुङक्‍यामुला चो़लीङ झ्‍येवालाक।

जेपा 17:32

धा मी स्‍यीस्‍या याङ सो़न्‍पो लाङगीलाक ॱनेरी घोरती, मी रीङगागी पाउलुला घो़ स्‍योरती ॱमेज्‍यु तावालाक हीना मी श्‍येम्‍माक्‍याई ॱनेवालाक, “हेक्‍या देगी कोरला धोराङा ङेन्‍ङी दो़दीक।”

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

जेपा 24:15

धेनी देक्‍याई यीच्‍चे झ्‍यीगीन च्‍योक्‍रे, को़न्‍क्षोकगी मी शाङपो धाङ मी ङेन्‍पा घीरीला छीवाने सो़न्‍पो जेगीलाक ॱनागीन लाब देला, ङाः रेवा झ्‍यीदाहीन।

जेपा 24:26

पाउलुगी आले तेरटु साम्‍दी, फेलीकगी खोला धी़-धी़ला केक तारी लाब तावालाक।

जेपा 26:28

धेनी आगारीपागी ॱनेवालाक, “देरे धी़चो़ तीमेला ख्‍यो़ ङाला मास्‍यीकावा शोये साम्‍यी हो़ते?”

जेपा 9:6

हीना ख्‍यो़ लोङ धेनी ग्‍याजारु सोङ। होदुरु ख्‍यी़ झ्‍यीघोगीनगो, ख्‍यो़ला ॱनागुलाक।”

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 14:12

होझ्‍येरी होराङ हो़लेगी को़न्‍क्षोकला राङगी ची पुगीलाक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

२ कोरीन्‍थुपा 6:2

घीझ्‍येरी ॱनाना खोङबागी सुङालाक, “धी़ भावी घाङला, ङी खेक्‍याई श्‍योवा ङेन्‍बी, धेनी थारपे ङीमागोला ङी खेक्‍याला रोवा झ्‍येवी।” तो़दाङ, धी़ भाप्‍येगो धान्‍दा लाक धेनी थारपे ङीमागो धान्‍दा लाक।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

ईब्‍रीपा 12:21

धेनी होदुरु घी झ्‍युजागो ॱमीच्‍यीकी जीक्‍टाक्षे झ्‍येरी, मोशेगीयाः देरे सुवालाक, “ङा जीक्‍ती दारी।”

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

ईब्‍रीपा 4:1

होझ्‍येरी को़न्‍क्षोकगी ङासु नाङ जुयेगी धाम्‍चागो हो़ती हो़तीयाः, खेक्‍याने सुवाः होदे ङासु नाङ जु ॱमीथुक्‍कीन मीझ्‍युङयेला, होराङक्‍या शाप-शाप झ्‍यीघो़।

ईब्‍रीपा 6:2

धेनी ठी़सो़ धाङ लाक्‍पा श्‍याक्‍ये धाङ छीवाने ॱलार सो़न्‍ये धाङ थामेपे ठीम्‍चो़क्‍याई कोरला, ॱलापच्‍याक्‍या धाब्‍ले ॱलाप घोये मेतालाक।

ईब्‍रीपा 9:27

याङ मीक्‍या थेङ च्‍यीक स्‍यी घोवालाक धेनी होदे स्‍याम्‍ने, ठीम्‍चो़ हुङगीन च्‍योक्‍रे,

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ

२ पेटो 1:6

धेनी स्‍येयो़नला राङ-छो़ शीम्‍गीन धेनी राङ-छो़ शीम्‍गीनला शो़पा धेनी शो़पाला क्षो़सेम,

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।