जेपा 24:22 - ॱलोवा

²² फेलीकला चोवोगी लामगी कोरला घामोमा क्षा हो़तालाक। होझ्‍येरी खी़ ठीमगो थाक चेदी ॱनेवालाक, “ॱमाक्‍पो़न लुसीया दुरु ॱलेवी घाङला, लाब देला ङा ठीम चेयेहीन।”

जेपा 24:22 Iomraidhean Croise

मेथा 2:7

धेनी हेरोदेगी कारचीपाक्‍या खाबा भो़री, कारमा स्‍यारकीनगी धी़गी कोरला चाचो़ झ्‍येवालाक।

जेपा 18:20

धेनी खुङक्‍याई खोला ङीमा तीते खुङक्‍यामुला राङ श्‍युक ॱनेरी, श्‍योवा पुवालाक हीना खी़ माङेन्‍बालाक।

जेपा 19:40

धीरीङगी दे दो़न मेगीन फेरा ग्‍याप्‍ती, होराङला लेगा आ झ्‍येजो ॱनेरी, रोमापा पो़न्‍पोगी छेपा का थुक्‍कीलाक घीझ्‍येरी ॱनाना दी कोरला लेन तेरये लाब घा घीन्‍दा मेतालाक।”

जेपा 24:10

धेनी पो़न्‍पो फेलीकगी पाउलुला लाब ताङयेला लाक्‍ता झ्‍येवालाक धेनी पाउलुगी देरे ॱनेवालाक, “लो माङाने, खेराङ दे ग्‍याखापगी ठीम्‍पो़न झ्‍युङगीनगो ङाला क्षाहो़क। होझ्‍येरी खेराङगी दोङदु ङा ङारी स्‍योकगी लाब श्‍याक्‍येला, ॱमीच्‍यीकी ङ्यामो घा हो़क।

जेपा 24:14

हीना देक्‍याई क्षो़लुक ॱनेरी ताक्‍कीन लाम दे, ङी धाङबी फामागी को़न्‍क्षोकला ङा क्षाक्‍क्षो़पा पुलाहीन ॱनेरी, ङी खेलेन्‍दी हो़क। धेनी मोशेगी क्षो़ठीमला ढीक्‍टा धाङ ॱङो़नस्‍येखेनक्‍याई धेपक्‍याला ढीक्‍टाक्‍याला ङा चीलीहो़क।

जेपा 24:24

ङीमा घाजीङ स्‍याम्‍ने, फेलीक खोरी याहुदापा केमी दुरुसीलामुला होवालाक। धेनी पाउलुला केक तारी, खी़ येशु मास्‍यीकाला धेपा झ्‍यीगीनगी कोरला स्‍येगीनगो, खुङ ॱङीउगी ङेन्‍बालाक।

जेपा 24:6

दे मीगी क्षो़खाङगोवा ॱमेचाङा शोये झ्‍येजुङ हीना खोला हीकी शीम्‍बी। [हेक्‍याई हेरी क्षो़ठीमगी थोक्‍ने, खोला ठीम चेये झ्‍येवी।

जेपा 25:26

हीना खी़ कोरला ढीक्‍ती ग्‍यावुला कुरये, ङाला घीया मेक। होझ्‍येरी ङी खोला खेराङक्‍या दोङदु धाङ ॱङोन्‍ने झ्‍यीना ग्‍यावु आगारीपा खेराङगी दोङदु ठीक्‍ती हुङये थेवी। धेनी खेराङगी खोला ढीवा कु झ्‍यीना, ङाला ढीक्‍येगी छीक रे राई हेटु ॱनेरी ङाला रेवा हो़क।

जेपा 26:3

घीझ्‍येरी ॱनाना खेराङ याहुदापा क्षो़लुक धाङ ॱङ्योक्‍टागी कोरला ॱमीच्‍यीकी खेवा हो़तालाक ॱनेरी, ङाला क्षाहो़क। धा, ङी लाबला शो़पा घोम्‍दी सेन्‍रोनाङ।