जेपा 24:10 - ॱलोवा

¹⁰ धेनी पो़न्‍पो फेलीकगी पाउलुला लाब ताङयेला लाक्‍ता झ्‍येवालाक धेनी पाउलुगी देरे ॱनेवालाक, “लो माङाने, खेराङ दे ग्‍याखापगी ठीम्‍पो़न झ्‍युङगीनगो ङाला क्षाहो़क। होझ्‍येरी खेराङगी दोङदु ङा ङारी स्‍योकगी लाब श्‍याक्‍येला, ॱमीच्‍यीकी ङ्यामो घा हो़क।

जेपा 24:10 Iomraidhean Croise

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

लुका 12:14

धेनी येशुगी सुवालाक, “रोवाओ, ख्‍यी़ खाला ठीम झ्‍यीये याङना ग्‍यु घो़गीन, ङाला सी़ को़जो?”

लुका 18:2

“ग्‍याजा च्‍यीकदु को़न्‍क्षोकला जीक्‍नाङ मीझ्‍यीगीन धाङ मीला चीदोङ मीझ्‍यीगीन ठीम्‍पो़न च्‍यीक हो़तालाक।

जेपा 12:17

पेटोगी खुङ घीरीला खाबा धो़क ॱनायेला जुक्‍ते झ्‍येवालाक धेनी चो़न्‍खाङने फीला चोवोगी घाङगी झ्‍येरी तो़न्‍जो ॱनेरी घीरीला स्‍येपालाक। “लाब दे याकोब धाङ पी़नक्‍याला स्‍यो़क।” ॱनेरी खो यु श्‍येम्‍मा च्‍यीकला सोवालाक।

जेपा 13:16

दे ॱहाघोरती पाउलु लावालाक धेनी लाक्‍पागी जुक्‍ते झ्‍येरी लाब दे तावालाक, “ईस्‍राएल्‍पा पी़नक्‍या धाङ को़न्‍क्षोकला धेपा झ्‍यीगीन मी श्‍येम्‍माक्‍याओ, ङी लाबला ङेन्‍रोनाङ।

जेपा 18:15

हीना दे लाब दे, छीकक्‍या धाङ मीङक्‍या धाङ खेराङक्‍याई क्षो़ठीम कोरला च्‍यीगा दुक। होझ्‍येरी खेराङक्‍याराङ दी ठीम चो़। ङा नी, लाब देरेक्‍याई ठीम्‍पो़न झ्‍युङयेमेन।”

जेपा 19:33

याहुदापाक्‍याई आलेक्‍जेन्‍डार ॱनागीन मीला दोङदु झावालाक। धेनी मीक्‍याई होदुरु झ्‍युजा लाब ॱनो़ ॱनेरी फेरा ग्‍याप्‍पालाक। धेनी खी़ लाक्‍पागी जुक्‍ते झ्‍येरी घीरीला तीङचोई शो़री, खुङक्‍याई छोकने लाब ताङये झ्‍येवालाक।

जेपा 21:40

धेनी ॱमाक्‍पो़नगी खोला लाब ताङदु च्‍युक्‍पालाक धेनी पाउलु थेपा खाला जाक्‍ती, मीक्‍याला तीङचोई धो़क ॱनेरी, लाक्‍ते झ्‍येवालाक। धेनी मीक्‍या खाबा धेदी पाउलुगी ईब्‍रीपा केकला ॱनेवालाक,

जेपा 23:24

धेनी पाउलुला श्‍यो़न्‍ये ताक्‍या डाढीक झ्‍यी धेनी खोला पो़न्‍पो फेलीकचारु घीन्‍दा क्‍यो़न माझ्‍यीदा ठीक्‍ती सोङ।”

जेपा 26:1

होदे स्‍याम्‍ने आगारीपागी पाउलुला ॱनेवालाक, “धा ख्‍यो़ ख्‍यो़री क्षीला लाब तोङ।” धेनी पाउलु खोरी लाक्‍पा क्‍याङदी देरे झ्‍येरी ॱनेवालाक,

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ